«Daryo.uz» сайти Тошкент шаҳри ҳокимлиги қошидаги Жамоатчилик кенгаши билан биргаликда «Маҳалла. Муаммо. Мулоҳаза» лойиҳасини тақдим этиб келмоқда. Лойиҳанинг 5-сони мавзуси «Тошкент кўчалари» бўлиб, дастур меҳмони сифатида депутат, блогер Бобур Расулев таклиф этилди.
Бобур Расулев суҳбат давомида ҳудудлардаги муаммоларга тўхталиб, улар бўйича юборилаётган мурожаатлар етарлича ўрганилмаслиги, жавобгар ташкилотлар орасида сансалорлик мавжуд экани ҳақида гапирди.
Биласизми, бундан 4 йил олдин Шайхонтоҳур тумани депутати бўлганимда Нурафшон кўчаси бор эди. Ишларни тез топшириш даврида шу кўча ёнидаги 9 қаватли уй ҳудудини қазиб ташлашган ва шу ҳолича қолиб кетган.Буни бартараф этиш учун 9 марта депутатлик сўрови юборганман. Энг алам қилгани, ўша вақт мобайнида 2 йиллик депутатлик даврим тугади. Масала эса унутилди. Ҳар битта ташкилот келган мурожаатларни бир-бирига жўнатади. Хатда чиройли жавоб келади. Унда ушбу ташкилот жавобгар эмаслиги, бошқа ташкилотга мурожаат қилиш керак экани ёзилган бўлади. Ташкилотлар ҳам ўзгараверади.
Реорганизация жараёни содир бўлади, шунинг ҳисобига битта ташкилот вазифаси бошқасига ўтади ёки иккига бўлинади — иш битмайди. Раҳбарлар ҳам ўзгариб тураверади. Олдинги раҳбардан эса сўрашнинг имкони йўқ, иш битмай қолаверади. Бу ерда, айтмоқчиманки, давлат идораларининг мутаносиб ишлаш жараёнида камчилик бор. Ҳокимият томонидан, депутатлар томонидан ҳаракатлар бўляти, лекин барибир шу муаммо мавжуд, — дейди у.
Изоҳ (0)