Иссиқ това, дазмолдан эҳтиётсиз фойдаланиш, соч турмаги ёки ағдарилган иссиқ чой куйишга олиб келиши мумкин. Тери жиддий шикастланганда дарҳол шифокорга мурожаат қилиш зарур. Wday нашри ушбу вазиятда биринчи ёрдамни қандай кўрсатишни ва куйгандан кейинги оғриқни қандай енгиллаштириш бўйича тавсиялар бериб ўтди.
Куйишдан кейин ёқимсиз оғриқни йўқотишнинг бир неча оддий усуллари мавжуд.
Совуқ компресс
Муз ёки музлаткичда совитилган ҳар қандай нарса, масалан, музлатилган резавор ёки сабзавотлар терининг шикастланган жойига қўлланилиши керак. Бундай компресс нафақат шишни енгиллаштиради, балки оғриқни ҳам кучсизлантириш таъсирга эга. Шунингдек, куйиш жойини 10-15 дақиқа давомида совуқ сув оқими остида тутиб туриш мумкин. Сувнинг ҳароратини кузатиб боришга ишонч ҳосил қилиш лозим, у жуда совуқ бўлмаслиги керак, акс ҳолда музлаб қолиш хавфи мавжуд.
Оғриқ қолдирувчи воситалар
Аналгин ёки аспирин ҳар қандай уйда топилиши мумкин бўлган дорилардир. Улар оғриқни камайтиришга ёрдам беради ва бир муддат кучли оғриқни қолдиради. Ҳар қандай дори-дармонларни фақат жабрланувчида таркибий қисмларга аллергик реакциялар бўлмасагина қўллаш мумкин. Тери совигандан сўнг куйиш жойини пантенол, бепантен, сулфаргин ёки солкосерил каби маз билан даволаш керак.
Агар қўлда дорихона маҳсулотлари бўлмаса, халқона усулларидан фойдаланиш мумкин. Уй шароитида оғриқни енгиллаштиришда бир нечта оддий, аммо самарали усуллар мавжуд.
Хом картошка
Мисол учун, хом картошка оғриқни, шунингдек, яллиғланишни камайтиришга ёрдам беради. Бунинг учун картошкани майдалаш ёки майда бўлакларга бўлиш керак, кейин аралашмани бинт билан ўраш ва шикастланган терига суртиш керак.
Алоэ
Алоэ табиий анестетик вазифасини ҳам бажаради. Ўсимликнинг барги ўртадан кесилади ва ич қисми куйган жойга қўлланилади. Юқоридаги барча усуллар фақат енгил жароҳатлар, биринчи ва иккинчи даражали куйишларда самарали бўлади. Агар терида пуфакчалар пайдо бўлса, маслаҳат учун дарҳол мутахассис билан боғланиш керак.
Кучли, тўхтовсиз оғриқ терининг жиддий шикастланишининг аломати бўлиши мумкин, бу нафақат оғриқни енгиллаштиришни, балки қўшимча даволовчи воситаларни ҳам талаб қилади.
Изоҳ (0)