Статистикага кўра, дунё аҳолисининг 11 фоизи очликдан азият чекади. Бу борада Ўзбекистонда аҳвол қандайлиги ҳақида Иқтисодий тадқиқотлар ва ислоҳотлар маркази хабар бермоқда.
Ўзбекистон аҳолисининг ўртача кунлик калорияси қанча, унинг миқдори минимал талаблар даражасидами?
Ўзбекистонда кунлик минимал калория талаби 1 838 ккални ташкил этади. Бу талаб бутун дунёда 1 828 ккал, Европада эса 1 941 ккалга тенг.
2021 йил якуни бўйича FAOнинг «Дунёда озиқ-овқат хавфсизлиги ва озиқланишнинг ҳолати» номли ҳисобот маълумотларига кўра, Ўзбекистонда 2018—2020 йилларда умумий аҳолининг 2,5 фоизга яқини тўйиб овқатланмаган.
Бу кўрсаткич Европа рақамлари билан бир хил бўлиб, бутун дунёда 8,9 фоиз, Африкада 19 фоиз, Марказий Осиёда эса 3,2 фоизни ташкил этади.
Халқ кунлик калорияни қандай маҳсулотлардан кўпроқ олади?
Аҳоли ўртасида ўрганишлар шуни кўрсатдики, қишлоқ аҳолисининг ҳақиқий калорияси жаҳон статистик кўрсаткичларидан пастроқ.
Бундан ташқари, халқ мева-сабзавот, сут ва гўшт маҳсулотларидан олинадиган калорияларни меъёрдан камроқ истеъмол қилиб, уларнинг ўрнини ёғ-мой маҳсулотлари, гуруч, шакар ва нон маҳсулотлари билан тўлдиришаётганликлари аниқланди.
Аввалроқ Ҳиндистон шакар экспортига тақиқни бир йилга узайтиргани ва бунинг Ўзбекистонга таъсири қандайлиги ҳақида хабар берилганди.
Изоҳ (0)