Kinotavsiya: Kuzning yomg‘irli kunlarida ko‘rish tavsiya etiladigan sehrli olamlar haqidagi ajoyib filmlar
Shubhasiz, kuz mavsumida ko‘pchilik adyolga o‘ranib, issiqqina xushbo‘y choy ho‘plab, sehrli kino olamiga sho‘ng‘ishni xohlaydi. Shu istakni inobatga olgan holda quyidagi filmlarning barchasi kuzgi iliqlik va ozgina sehr bera oladi degan umiddamiz.
“Narniya yilnomalari” (2010)
IMDb reytingi - 6,3
“Narniya yilnomalari” trilogiyasining so‘nggi qismida ham tomoshabinlar o‘zlari sevib qolgan qahramonlarni yana ko‘rishadi. Ushbu filmda qahramonlar Kaspian otaning do‘stlarini topish uchun kemada suzib ketadi. Aytgancha, filmning vizual effektlariga “Uzuklar hukmdori” filmiga rahbarlik qilgan Jim Reygel mas’ul bo‘lgan.
“Oppog‘oy va ovchi 2” (2016)
IMDb reytingi — 6.1
Sharliz Teron, Jessika Chestyn, Kris Xemsvort va boshqa yulduzlar “Oppoq va ovchi 2” filmida suratga tushgan. Franshizaning ushbu qismida Muz malikasi o‘zining jangchi-ovchilariga sevib qolishni taqiqlaydi. Ulardan ba’zilari unga itoat qilmaydi, o‘zlarining haqiqiy his-tuyg‘ularini ochiqchasiga bildiradi. Xo‘sh, shundan so‘ng voqealar rivoji qanday kechadi?
“Qo‘rqinchli ertaklar” (2015)
IMDb reytingi - 6,4
Ushbu film italyan yozuvchisi Jambattista Bazilening “Rapunzel”, “Uyqudagi malika” va boshqa mashhur ertaklari bilan uyg‘unlashgan asarlari asosida yaratilgan. Filmda asosiy rollarni Salma Xayek va Vinsent Kassel ijro etgan.
“Miss Peregrinning g‘alati bolalar uyi” (2016)
IMDb reytingi - 6,7
Rejissor Tim Barton bu filmni Rensom Riggsning “G‘alati bolalar” romani asosida suratga olgan. Qahramonning bolaligi bobosining g‘ayrioddiy bolalar uchun boshpana haqidagi doimiy hikoyalari bilan o‘tadi. Bobosi vafotidan so‘ng, o‘smir o‘sha boshpana joylashgan orolga boradi va ilgari faqat fotosuratda ko‘rgan bolalarni topadi.
“Vaqtlararo sehrlangan malika” (2020)
IMDb reytingi - 6,5
“Vaqtlararo sehrlangan malika” nomli chex ertak filmi 20 yoshli malika haqida hikoya qiladi. U bu yoshni birinchi marta nishonlayotgani yo‘q, film nomi qiziq va fantastik sujetga ishora qiladi.
“Vorislar” (2015)
IMDb reytingi - 6.2
Hokimiyatga yangi yosh monarx keladi. U qamoqqa olingan mashhur yovuzlarning barcha merosxo‘rlariga ikkinchi imkoniyat beradi. Hukmdor ularni qo‘yib yuboradi — Oppog‘oy, Rapunzel va boshqalar kabi yaxshi odamlarning bolalari o‘qiydigan maktabga yuboradi. O‘qish jarayonida yovuz kishilarning avlodlari ota-onalarining ishini davom ettirishni xohlashadimi yoki hali ham yaxshilik tarafiga o‘tishni istashi haqida qaror qabul qilishlari kerak.
“Cho‘qintirgan pari” (2020)
IMDb reytingi - 6.1
Bu film sehr asoslarini endigina o‘rgana boshlagan yosh pari haqida hikoya qiladi. U 10 yoshli qizchadan maktub oladi, u sehrgardan eng ezgu orzusini amalga oshirishni so‘raydi. Ushbu kartinaning asosiy maqsadi hech qachon taslim bo‘lmaslikdir. Maqsadlaringizga erishishingiz mumkinligiga ishonish ularni haqiqatga aylantirishning yagona samarali usulidir.
“Jodugar ovchilari” (2013)
IMDb reytingi - 6.1
Ushbu fantaziya yaratuvchilarning ta’kidlashicha, ularning kartinasi aka-uka Grimmlarning mashhur “Gans va Greytel” ertagining davomi. Bosh qahramonlar yovuz jodugardan zo‘rg‘a qutulishga muvaffaq bo‘lishadi, lekin hali o‘zlarining o‘tmishlari yanada xavfli va dahshatliroq ekanligini bilishmaydi.
“Sohibjamol va maxluq” (2014)
IMDb reytingi - 6,4
“Sohibjamol va maxluq” klassik ertagining birinchi ekranlashtirilgan varianti 1946-yilda Jan Kokto tomonidan yaratilgan. Ley Seydu va Vinsent Kassel ishtirokidagi fransuz filmi versiyasi boshqa variantlardan qolishmaydi. Ertak yana bir bor muhabbat borasida insonning tashqi ko‘rinishi emas, balki uning ichki fazilatlari muhim ahamiyatga ega ekanini eslatib o‘tadi.
