Афғонистонда «Толибон» ҳукумати аёлларни Ички ишлар вазирлигининг жамоат хавфсизлиги бўлинмаларидан бирига хизматга қабул қилишни бошлади, деб ёзади «РИА Новости».
Вазирлик баёнотига кўра, айни пайтда 100 нафар аёл ушбу бўлинмада хизмат қилиш учун тайёргарликдан ўтмоқда. Толиблар уларнинг лавозим мажбуриятлари бўйича расман изоҳ бергани йўқ. Бироқ экспертлар фикрича, улардан, катта эҳтимол билан, аёллар иштирокидаги намойишларга қарши курашишда фойдаланилади.
Агентлик қўлига келиб тушган видеода аёллар полиция, одатда, намойишларни тарқатишда қўллайдиган қалқонлар ва шлемлар тақиб олганини кўриш мумкин.
Афғонистонда аёллар ҳуқуқлари курашчиси бўлган Муҳадиса Амин айтишича, «Толибон» норозилик акцияларида аёлларга қарши шафқатсизликларга нисбатан жамоатчилик реакциясини тиймоқчи.
Таъкидланишича, аёллар намойишларда хизмат қилиб, унда иштирок этаётган аёллар билан ҳамкорлик қилади.
Афғонистонда аёллар тез-тез намойиш уюштириб туради. Хусусан, август ойида шундай митинглардан бири ҳавога ўз узиш орқали тарқатиб юборилган. Ўтган йил сентябридаги аёллар акциясида эса кўзни ёшлантирувчи газдан фойдаланилган.
Ички ишлар вазирлиги янги ишга олинган аёл полициячилардан танишлари орасида собиқ ИИВ ходималари бўлса, уларни ҳам жалб қилишни сўрамоқда. Бу шу билан боғлиқки, ҳокимият тепасига «Толибон» келганидан кейин Афғонистон хавфсизлик органларидаги аёл ходимлар сони кескин қисқариб кетганди.
2022 йил ёзида «Толибон» аёллар хавфсизлик тузилмаларида ишлаш учун қисман рухсат берди.
Экспертлар фикрича, улардан, катта эҳтимол билан, аёллар иштирокидаги намойишларга қарши курашишда фойдаланилади
Изоҳ (0)