Франция президенти Эммануэль Макрон Украина раҳбари Владимир Зеленскийга Париж Киевга ҳаво ҳужумидан мудофаа тизимини мустаҳкамлашда ёрдам беришини маълум қилди. Бу ҳақда Елисей саройи сайтида икки давлат раҳбарларининг телефон орқали суҳбатлари якунлари бўйича эълон қилинган хабарда келтириб ўтилган.
1 ноябрь, сешанба куни бўлиб ўтган суҳбат чоғида давлат раҳбарлари Украинадаги вазиятни муҳокама қилди. Макрон, шунингдек, Зеленскийни Франция Киевга ҳарбий ёрдамни имкон қадар тезроқ ошириш учун барча ресурсларни сафарбар қилганига ишонтирди.
Бундан ташқари, Франция президенти Украинага келаётган қиш мавсумига тайёргарлик кўришда ёрдам беришга қарор қилганини билдирди.
Икки президент 13 декабрь куни Парижда қишда Украина фуқароларининг ҳаёти барқарорлигини қўллаб-қувватлаш мақсадида халқаро конференция ташкил этишга келишиб олди. Шу мақсадда Украинанинг бошқа ҳамкорлари билан яқин орада тайёргарлик ишлари бошланади, — дейилади манбада.
Мавзуга доир: «Россия қўллаши мумкин бўлган баллистик ракеталарга қарши бизда самарали ҳимоя воситаси йўқ» — Украина қуролли кучлари вакили
Изоҳ (0)