Украина Қуролли кучлари Россия қўшинлари Украинанинг шимолий чегарасида Эронда ишлаб чиқарилган баллистик ракеталарни жойлаштириши мумкинлигига ишонмоқда. Бу ҳақда Украина Қуролли кучлари Ҳарбий-ҳаво кучлари спикери Юрий Игнат маълум қилди, деб ёзди «Украина ҳақиқати».
«Биз ушбу ракеталарга қарши барча ҳимоя воситаларини қўллашга ҳаракат қиламиз. Улар, эҳтимол, Украинанинг шимолий чегарасига олиб келинади, у ердан бутун Украинага таҳдид соладиган тарзда ишга туширилиши мумкин.
Битта ракета 300 километр масофага, яна бири - 700 километр масофагача учиб, зарба йўллашга қодир. Бу баллистик ракеталар. Бизда бу ракеталарга қарши самарали ҳимоя воситаси йўқ», — деди Ҳарбий ҳаво кучлари вакили.
Унинг сўзларига кўра, бундай ракеталарни уриб тушириш «назарий жиҳатдан мумкин, лекин аслида буни амалга ошириш жуда қийин».
Изоҳ (0)