Хитой жанубида яшовчи эркак 219 миллион юань (29,9 миллион доллар) миқдоридаги лотерея ютуғини хотини ва фарзандидан сир тутмоқда. У пуллар оиласини талтайтириб юбориши мумкинлигидан хавотирда.
«Мен хотиним ва фарзандимга ютуқ ҳақида айтмадим, чунки уларнинг талтайиб кетишидан ва келажакда меҳнат қилмай қўйишидан қўрқдим», — деди у нашрга.
У 5 миллион юанни хайрия ишларига топширгани ва қолган пулни нима қилиш ҳақида ҳали бир қарорга келмаганини айтди. Солиқлардан кейин унда 171,6 миллион юань қолган.
Наннинг Эвенинг News нашрига кўра, эркак ютуқли чиптани дўкондан сотиб олган эди.
Изоҳ (0)