Tesla ва SpaceX бош директори Илон Маск Хеллоуин байрамини нишонлаш учун Руминиядаги Дракула қасрини ижарага олди.
Руминия оммавий ахборот воситаларининг ёзишича, Маск базмга 140 нафар миллиардер дўстлари, жумладан актриса Анжелина Жоли, PayPal асосчиси Питер Тил, Google асосчиси Сергей Брин ва инвестор Стив Юрвецонларни таклиф қилган.
Қаср ҳудудида хавфсизлик чоралари кучайтирилган, бирорта ҳам руминиялик миллиардер тадбирга таклифнома олмаган, дейди ОАВ. Кечани ёпиқ тарзда ўтказиш режалаштирилган ва бу ҳақдаги тафсилотлар ошкор қилинмаган.
«Граф Дракула қасри» номи билан машҳур Бран қалъаси Руминиянинг Брашов шаҳридан 30 километр узоқликдаги сайёҳлик ҳудудида жойлашган.
Маълумки, айнан Бран қасри ирландиялик Брам Стокерни 1897 йилда дунёдаги энг машҳур ва қўрқинчли романлардан бири «Дракула»ни ёзишга илҳомлантирган, кейинчалик унинг сюжети фильмга айлантирилган.
Изоҳ (0)