Севастополдаги кемаларга дрон ҳужуми туфайли Россия Украина портларидан дон экспорти бўйича келишувдаги иштирокини номаълум муддатга тўхтатди. Россия Мудофаа вазирлиги маълумотига кўра, дронлардан бири дон экспорти билан шуғулланувчи фуқаролик кемасидан отилган бўлиши мумкин эди. Кейинроқ вазирлик Николаев вилоятининг Очаково шаҳридаги Украина Қуролли кучларининг махсус операциялар кучлари ўқув марказига зарба бергани ҳақида хабар қилди. Россия томони даъво қилишича, Севастопол портига ҳужум айнан ўша ерда тайёрланган, Украина буни рад этмоқда. Россия томонидан тайинланган Энергодар ҳукумати вакиллари Украина қўшинлари шаҳардаги электр тармоғига зарба бериб, электр энергиясини узиб қўйганини айтди. Meduza урушнинг 249-кунига оид асосий фотосуратлар билан бўлишди.
Баҳмутда гуманитар ёрдам тарқатиш
Баҳмут шаҳрида яшовчи киши гуманитар ёрдам тарқатиш пунктидаги бомбапаноҳда қўшнилари учун нон олмоқда. Фото: Reuters
Баҳмутликлар вайрон бўлган бино яқинида турибди. Уруш бошланганидан бери шаҳар ўққа тутилмоқда. Урушдан олдин Баҳмутда 73 мингга яқин одам яшаган — ҳозирги вақтга келиб аҳолининг 90 фоизи шаҳарни тарк этган.Фото: Reuters
Бахмутлик киши велосипедига гуманитар ёрдамни ортмоқда. Бугун шаҳарда электр ва сув йўқ, дўконлар ишламаяпти. Маҳаллий аҳоли кўнгиллилар тарқатадиган озиқ-овқат, дори-дармонлар ва бошқа зарур нарсаларга тўлиқ қарам.Фото: Reuters
Баҳмут аҳолиси Баҳмутовка дарёсидан қўлбола кўприк орқали ўтмоқда.Фото: Reuters
Чернигов вилоятида қишга тайёргарлик
Ягодное қишлоғи аҳолиси картошкани йиғиштириб олмоқда. Ягодное Киевдан 140 километр шимолда, Чернигов яқинида ва Беларусь чегарасидан унчалик узоқ бўлмаган жойда жойлашган. Март ойида рус қўшинлари қишлоқни эгаллаб олди ва у ерда деярли бир ой қолди. Ягодное Украина Қуролли кучлари томонидан озод қилинганидан сўнг, маълум бўлишича, Россия ҳарбийлари бутун қишлоқни бир ой давомида мактаб ертўласида ушлаб турган.Фото: Getty Images
Ягодноеликлар вайрон бўлган турар жой биносидан олиб чиққан иситиш радиаторини кўздан кечирмоқда.Фото: Getty Images
Ягодноеда яшовчи аёл вайрон бўлган уй ёнидаги вақтинчалик бошпанада.Фото: Getty Images
Кўнгиллилар Новоселовка аҳолисига уйининг томини таъмирлашда ёрдам бермоқда. Уруш бошида Новоселовка рус қўшинларининг ҳужум чизиғида бўлган ва эгаллаб олинган. Ягодное сингари қишлоқ ҳам март ойининг охирида озод қилинди.Фото: Getty Images
Херсон вилоятида озод қилинган қишлоқ
Князевка қишлоғида бузилган автобус. Март ойи ўрталарида рус қўшинлари Князевкага кирди, бироқ икки ҳафта ўтиб Украина Қуролли кучлари қишлоқни қайтариб олишга муваффақ бўлди. Аммо у ерда ҳамон электр ва сув билан боғлиқ муаммолар мавжуд.Фото: Getty Images
Князевка қишлоғида яшовчи аёл.Фото: Getty Images
Князевкада мажақланган машина.Фото: Getty Images
Қишлоқдаги болалар боғчаси, истило пайтида унда Россия ҳарбийлари яшаган.Фото: Getty Images
Харьков яқинида бузилган техникалар
Харьков вилоятининг Каменка қишлоғида Россия армиясининг бузилган техникалари — қишлоқ сентябрь ойида унга яқин Изюм шаҳри билан бирга озод қилинган. Урушнинг дастлабки кунлариданоқ у ерда шиддатли жанглар кечган. Украина ОАВларининг ёзишича, қишлоқда бирорта ҳам бутун уй қолмаган.Фото: AP Photo
