Футбол бўйича Ўзбекистон Кубоги финалида «Навбаҳор» ва «Насаф» жамоалари 30 октябрь, якшанба куни баҳс олиб боради.
Учрашув олдидан жамоалар мураббийлари иштирокида матбуот анжумани ташкил этилди.
Бухоро шаҳрида бўлиб турганимиздан хурсандмиз. Финал – бу футбол байрами. Эртанги финал биз учун жуда ҳам муҳим аҳамият касб этади.Таркибда ўзгариш бўлиши ҳақида
Ўзгариш бор. Билмадим, аммо, айтишим мумкин, мавсум давомида жамоанинг ўзаги бўлган, йил давомида ўз даражасини кўрсатаётган ўйинчилар учрашувга тайёр.
«Навбаҳор»да ишлаш ҳақида
Наманганда ишлаш осон иш эмас. Ҳам мураббий, ҳам футболчи сифатида. «Навбаҳор»да иши юришмаган, аммо, бошқа жамоада ишлаб кетган инсонлар бор. Бу ерда асаб мустаҳкам бўлиши керак. Буни тушунтиришга ҳаракат қиламан. Клуб ўз анъаналарига эга. Аммо, бу анъаналар 24 йилдан буён амалга ошмай келаяпти. Шуни амалга ошириш ҳаракатидамиз. Балки бизгача ҳам кимдир ҳаракат қилгандир ва босим туфайли бунга эриша олмаган бўлиши мумкин. Бугун «Навбаҳор» шарафини ҳимоя қилаётганлар эса, босимларга бардош бера оладиган инсонлардир. Уларда характер ва сифат бор. Асосийси, мухлисларни хурсанд қилишни уддалай оляпмиз ва бу мени қувонтираяпти.
Мавсум давомида ўзимиз ярата олган вазиятлардан унумлироқ фойдалана олганимизда, бошқа вазиятда турган бўлар эдик. Ўзимиз билан тенг савияли рақибларни мағлуб эта олдик. Бироз даражаси пастроқ жамоалар билан эса, кўп очко йўқотдик. Бунинг сабабини биламиз, нима қилиш кераклигини ҳам биламиз. Бу ҳақда гапириш ҳозирда бироз эрта. Кайфиятимиз яхши. Олдимиздаги учта ўйинда ҳам максимум натижа кўрсатишга ҳаракат қиламиз.
Самвел Бабаян, «Навбаҳор» бош мураббийи
Бугун стадионга бордик ва майдоннинг ажойиб ҳолатда эканига гувоҳ бўлдик. Эртага майдонда ҳақиқий жанг бўлади деб ўйлайман. Чунки, ҳозирги кунда мамлакатнинг энг кучли жамоларидан ҳисобланган икки клуб финалда тўқнаш келади. Биз бу ўйинга анча яхши тайёргарлик кўрдик. Бундай муҳим ўйинларда қатнашиш бўйича тажрибага эгамиз. Бизнинг асосий мақсадимиз эртанги ўйинда ижобий натижа кўрсатиб, мухлисларни хурсанд қилиш.Ҳусайн Норчаев финалда иштирок этмаслиги ҳақида
Ҳусайн Норчаевнинг эртанги ўйинда қатнаша олмаслиги – катта йўқотиш. Биласиз, Ҳусайн охирги ўйинларида бизга голлар билан эмас меҳнатлари билан катта ёрдам бераётганди. Афсуски, эртага Норчаев бизга ёрдам бера олмайди. Биз ярим финалда ҳам йўқотиш билан (Ойбек Бозоров) ўйнадик. Шунинг учун ўз захира имкониятимиздан яхшироқ фойдаланишга ҳаракат қиламиз. Балки тактик чизиқларни ўзгартиришга тўғри келар, лекин эртанги учрашувга тайёрмиз.
Жамоанинг руҳий тайёргарлиги ҳақида
Руҳий тайёргарлик ҳар доим муҳим ҳисобланади. Биз ўтган ўйинни эсдан чиқардик, албатта, икки очко муҳим эди, лекин бошқа вазиятлардан ҳам фойдалана олмадик. Ўтган нарсани қайтариб бўлмайди, шунинг учун бор эътиборимизни эртанги учрашувга қаратганмиз. Асосий мақсадимиз Кубокда ҳам, Суперлигада ҳам максимал натижа қайд этиш. Чунки ҳар икки фронтда ҳам мақсадимизга жуда яқин турибмиз.
Рақиб ҳақида
«Навбаҳор» ҳақида ортиқча гапириш шарт эмас. Клуб бу мавсум ҳар йилгиданда кучли. Бу жамоанинг ўйинларида ҳам, бошқа масалаларда ҳам кўриниб турибди. Рақибдан келиб чиқиб айтганда эртанги ўйин осон бўлмаслиги аниқ. Чунки «Навбаҳор» ҳимояланишни ҳам, ҳужум қилишни ҳам яхши билади. Худди шунингдек биз ҳам эртага ўз ўйинимиз орқали ижобий натижа қайд этмоқчимиз.
«Насаф» пенальтилар сериясига тайёрлиги ҳақида
Пенальтилар сериясига ҳам тайёргарлик кўрганмиз. Марко Стоноевич агар ўзига ишонса, унга пенальти тепиш имкониятини берамиз. Агар эртанги учрашув пенальтилар сериясигача борадиган бўлса, бизда бу ишни бажарадиган ўйинчилар талайгина.
Менимча икки жамоа ҳам эҳтиёткор ўйнайди. Чунки бу ерда иккинчи учрашув йўқ ва бошқа имконият бўлмайди. Қанча вақт ўйнашимиз ҳақида ҳеч нарса дея олмайман, лекин эртага икки жамоа ҳам натижа учун ҳаракат қилади.
Рўзиқул Бердиев, «Насаф» бош мураббийи
Изоҳ (0)