Fly Dubai авиакомпаниясининг Тошкентдан Дубайга учаётган самолёти Эроннинг Шероз шаҳридаги аэропортга фавқулодда қўнганди. Uzbekistan Airports бунга нима сабаб бўлганига аниқлик киритди.
Маълум бўлишича, фавқулодда қўнишга самолёт экипаж аъзоларидан бирининг аҳволи ёмонлашгани сабаб бўлган. Шундан сўнг экипаж энг яқин аэропортга қўниш ҳақида қарор қабул қилган.
Бортида 172 йўловчи бўлган самолёт Тошкентдан соат 04:37 да ҳавога кўтарилган ва Тошкент вақти билан 07:50 да Дубай аэропортига қўниши керак бўлган. Бироқ мажбурий қўниш туфайли парвоз кечиктирилмоқда. Fly Dubai барча йўловчиларни озиқ-овқат ҳамда ичимлик сувлари билан таъминлаган.
Ҳозирда самолёт Дубайга учишга ҳозирлик кўрмоқда.
Изоҳ (0)