Истеъмолчилар ҳуқуқларини ҳимоя қилиш агентлиги Тошкентда газланган ичимлик рекламасида ахлоқсиз ҳаракатлар қилинганига муносабат билдирганди. Ҳолат юзасидан шаҳар ички ишлар бош бошқармаси ҳам маълумот берди.
Таъкидланишича, ижтимоий тармоқларда икки қизнинг уятсиз-бузуқ ҳаракатлари акс этган видео тарқалиб, кўплаб муҳокамаларга сабаб бўлмоқда. Мазкур видео Тошкент шаҳар ИИББ томонидан ўрганилиб, қуйидагилар аниқланди.
15—16 октябрь кунлари Бектемир туманида жойлашган савдо мажмуаси олдида ўтказилган «Дрифт шоу» тадбирида реклама фирмаларидан бири ичимлик сувини рекламаси учун икки нафар қизни ёллаган. Ушбу қизлар, яъни 1993 йилда туғилган Ю.Б. ҳамда 1985 йилда туғилган А.К. тадбир давомида жамиятда юриш-туриш қоидаларини қасддан менсимасдан, уятсиз-бузуқ ҳаракатларни содир этиб, жамоат тартибини бузган.
Мазкур ҳолат юзасидан Бектемир тумани ИИО ФМБ томонидан Ю.Б. ҳамда А.К.га нисбатан Маъмурий жавобгарилк тўғрисидаги кодекснинг 183-моддаси (майда безорилик) билан маъмурий баённома расмийлаштирилиб, ҳужжатлар жиноят ишлари бўйича Бектемир тумани судига тақдим этилди.
Изоҳ (1)
Халқдан кечирим сўраб чиқиши керак бундай ахлоқсиз харакати учун.