Bugun,

  • USD 11095.31
  • RUB 173.84
  • EUR 10772.44

Ijtimoiy tarmoqlarda “Mountain Dew” tovar belgisi ostida o‘tkazilgan tadbirda axloqsizlik va hayosizlik xatti-harakatlari namoyish etilgan videorolik tarqaldi. Iste’molchilar huquqlarini himoya qilish agentligi mazkur holat yuzasidan tezkor o‘rganish o‘tkazdi.

Aniqlanishicha, “Mountain Dew” tovar belgisi ostida chiqarilgan gazlangan ichimligi sertifikatlashtirish organi tomonidan 2021-yil 8-iyulda UZ.SMT.01.0033.66104488-sonli muvofiqlik sertifikatiga asosan gazlangan alkogolsiz ichimliklar tasnifiga kiritilgan va energetik ichimlik hisoblanmaydi.

Shu bois “Reklama to‘g‘risida”gi qonunning 37-moddasiga asosan energetik ichimliklarning reklamasiga doir belgilangan cheklovlar unga nisbatan tatbiq etilmaydi. Tarqalgan videorolik 15-oktabr kuni Toshkent shahrida o‘tkazilgan “Avto shou” tadbiri qatnashuvchilar tomonidan videotasvirga olingan va ijtimoiy tarmoqqa joylashtirilgan.

Iste’molchilar huquqlarini himoya qilish agentligi tomonidan bunday axloqsizlik va hayosizlik xatti-harakatlari namoyish etilgani holati yuzasidan qonunchilikda belgilangan tartibda tegishli choralar ko‘rish uchun O‘zbekiston Respublikasi Ichki ishlar vazirligiga so‘rov xati yuborildi, — deyiladi munosabatda.

Ma’lumot uchun, Jinoyat kodeksining 277-moddasiga asosan, bezorilik, ya’ni jamiyatda yurish-turish qoidalarini qasddan mensimaslik, urish-do‘pposlash, badanga yengil shikast yetkazish yoki o‘zganing mulkiga shikast yetkazish yoxud nobud qilish ancha zarar yetkazish bilan bog‘liq holda sodir etganlik uchun huquqbuzarga nisbatan jinoiy javobgarlik belgilangan.

Ma’muriy javobgarlik to‘g‘risidagi kodeksining 183-moddasiga asosan mayda bezorilik, ya’ni jamoat joylarida uyatli so‘zlar bilan so‘kinish, fuqarolarga haqoratomuz shilqimlik qilish hamda jamoat tartibini va fuqarolarning osoyishtaligini buzuvchi shu kabi boshqa xatti-harakatlarda ifodalangan jamiyatda yurish-turish qoidalarini qasddan mensimaslik huquqbuzarga nisbatan ma’muriy javobgarlik belgilangan.

“Reklama to‘g‘risida”gi qonun talablariga muvofiq, axloqsiz (shaxslarning jinsi, irqi, millati, tili, dini, ijtimoiy kelib chiqishi, e’tiqodi, shaxsiy va ijtimoiy mavqeiga daxldor bo‘lgan haqoratli so‘zlar, tasvirlar hamda o‘xshatishlardan, haqorat qiluvchi tasvirlardan foydalanish orqali insoniylik va axloqning umumqabul qilingan normalarini buzuvchi) reklama taqiqlangan.

Izoh

Ислам Адамов

26 oktabr, 20:51

Bunday hayosiz axloqsizlikni òz vaqtida oldini olish kerak albatta qonun doirasida

Asosiy yangiliklar
Dunyo
“Daryo” kundaligida 9-dekabrda sodir bo‘lgan eng muhim voqealar
Dunyo
Qozog‘iston Rossiyaga zirhli texnika jo‘natishi haqida xabarlar tarqaldi (video)
Madaniyat
Shahzoda Garri va Megan Markl yangi hujjatli filmda Yelizavetta II ni masxaralab, qirollik oilasi a’zolarini irqchilikda aybladi (video)