Гвинея-Бисау президенти Умару Шисоку Эмбало Украина етакчиси Владимир Зеленский билан Киевда ўтказган матбуот анжуманида Россия президенти Владимир Путин Украина раҳбарига хабар етказишни сўраганини айтди. Видео Зеленскийнинг Telegram’даги каналида эълон қилинган.
«Кеча мен Россияда президент Путин билан бирга эдим. У мендан сизга хабар беришимни, сиз билан гаплашишимни илтимос қилди», — деди Эмбало.
Унинг сўзларига кўра, хабар Россия-Украина музокаралари зарурлиги ҳақида. Гвинея-Бисау президенти Африкага озиқ-овқат етказиб беришни давом эттириш учун айниқса мулоқот муҳимлигини таъкидлади.
Зеленский музокаралар учун «инфратузилмалар портлатилмаслиги» зарурлигини айтди. (10 октябрдан бери Россия қўшинлари Украина объектларига, жумладан, энергетика объектларига ҳам ҳужум қилмоқда).
Маълумот ўрнида, Путин ва Эмбало 25 октябрь, сешанба куни Москвада учрашган.
Изоҳ (0)