Карло Анчелотти мундиал арафасида жароҳат олишдан қўрқадиганлар ҳақида: «Жароҳат олишни истамасанг, уйингда ёт»

«Реал» бош мураббийи Карло Анчелотти футболчиларнинг Жаҳон Чемпионати арафасида жароҳат олишдан қўрқиши ҳақида гапирди.

Жароҳатлар — футболнинг бир қисми. Агар жароҳат олишни истамасанг, диванда ёт. Машғулотларда жамоадошинг билан тўқнашиб кетиш оқибатида ҳам жароҳат олиш мумкин.

Барча футболчиларда машғулот ўташ истаги кучли. Агар кимдир машғулотларда иштирок этишдан қўрқишини айтса, унга уйда қолиб, телесериал ёки фильм кўришини маслаҳат бераман.

Менимча, ҳозир мавсумнинг ниҳоятда қизғин палласи, ўйинлар жуда кўп. Таркибимизда бир нечта йўқотиш бўлса-да, биз чидай оляпмиз. Демак, Жаҳон Чемпионати керакли вақтда бўлиб ўтади.

Футболчилар турнирга соғлом боришни истаса-да, улар айни дамда мундиал ҳақида ўйлаяпти деб ўйламайман. Агар футболчи клубда барқарор ўйин намойиш этса, Жаҳон Чемпионатига ўз формасида етиб боради.

Карло Анчелотти, «Реал» бош мураббийи