«Манчестер Юнайтед» собиқ бош мураббийи, ҳозирда «Рома» устози бўлган Жозе Моуриньо Криштиану Роналду билан юз бераётган воқеалар ҳақида фикр билдирди.
Мураббий бундай футболчига қандай ўйнашни ўргата олмаслигини тушуниши лозим.Эслатиб ўтамиз, «Тоттенҳэм»га қарши баҳсда захирада қолдирилган Роналду учрашув якунланмасидан кийиниш хонасига равона бўлган.Роналдуга қандай қилиб жарима зарбасини амалга оширишни, Златан Ибраҳимовичга тўпни кўкрак билан ушлаб туришни, Дидье Дрогбага ҳавода қандай ўйнашни ўргата олмайсиз.
Сизнинг вазифангиз уларни жамоавий ўйнашга ўргатиш.
Жозе Моуриньо, «Рома» бош мураббийи
«Манчестер Юнайтед» устози Эрик тен Ҳаг футболчини жамоавий машғулотлардан маълум муддатга четлатган ва «Челси»га қарши ўйин қайдномасига киритмаган.
Аввалроқ манкунианликлар бош мураббийи португалиялик ҳужумчи қилмиши учун узр сўраб, ўйинларнинг асосий дақиқасидан майдонга тушмасликка рози бўлса, уни асосий таркибга қайтаришга тайёрлиги хабар қилинганди.
37 ёшли ҳужумчи жорий мавсум АПЛда 8 та ўйинда иштирок этиб, битта гол муаллифига айланди.
Изоҳ (0)