Шавкат Мирзиёев раислигида ўтаётган видеоселектор йиғилишида Қашқадарёни ижтимоий-иқтисодий ривожлантириш масалалари кўриб чиқилаётгани ҳақида хабар берилган эди. Президент матбуот котиби Шерзод Асадовнинг маълум қилишича, йиғилишда вилояти ҳокими Мурод Азимов ҳудудни ривожлантириш ишлари ҳолати ва истиқболдаги мақсадлар юзасидан ҳисобот бермоқда.
Масалан, 2022 йилнинг 9 ойида 12,5 мингта янги тадбиркорлик субъекти ташкил этилган, уларнинг сони 55 мингтага етган, уларда 32 мингта янги иш ўрни яратилган. 2023 йилда маҳаллаларда 15 та «Обод маҳалла» марказини ташкил этиш, хизматлар соҳасида 6,5 мингта иш ўрни яратиш режалаштирилган.
5,2 минг тонна парранда гўшти, 450 тонна балиқ гўшти, 18 тонна ем ишлаб чиқаришга ихтисослашган йирик паррандачилик мажмуасини ишга тушириш мўлжалланмоқда. Қарши шаҳрида лойиҳа қиймати 20 миллион долларлик бизнес марказини барпо этиш кўзда тутилган.
Вилоятга 50 минг нафар хорижий ва 1 миллион нафар маҳаллий турист ташриф буюрган. «Саҳродан-музликкача» туризм магистралини яратиш режалаштирилган.
Мавзуга доир: Шавкат Мирзиёев Қашқадарёда 5 та йўналишда эришилиши лозим бўлган вазифаларни белгилаб берди
Изоҳ (0)