24 октябрь куни Украина Луганск вилоятидаги Кармазиновка, Мясожаровка ва Невское қишлоқлари ҳамда Донецк вилоятидаги Новосадово қишлоғи озод этилганини эълон қилди. Уларнинг барчаси Харьков вилояти билан чегаралар яқинида жойлашган. Россия ҳарбийлари Украина «ифлос бомба»ни портлатишга тайёрланаётганини даъво қилмоқда. Ғарб эса бу маълумотларни рад этиб, буни Россиянинг кескинликни ошириш учун баҳонаси деб ҳисобламоқда. Meduza урушнинг 243-кунига оид асосий фотосуратларни тақдим этди.
Изюмдаги касалхона. Фотосуратлар Евгений Малолетка томонидан олинган
Изюм касалхонаси шаҳарда Россия истилоси даврида — 1 апрелдан 11 сентябргача ўз фаолиятини давом эттирган ягона тиббиёт муассасаси бўлди. Бугун украиналик сапёрлар кучли ўққа тутилган касалхона атрофини миналардан тозаламоқда, илгари одамларни қутқариш учун россиялик ҳарбийлар билан тил топишишга мажбур бўлган шифокорлар эса ҳозирги вайронагарчилик шароитда қўлидан келганча ишламоқда. Ушбу урушнинг асосий фотосуратчиларидан бири Евгений Малолетка бу кадрларни сентябрь ойида олган, аммо улар асосида Associated Press фоторепортажи 24 октябрь куни чоп этилди.
Николаевдаги ҳаёт. Фотосуратлар муаллифи — Эмилио Моренатти
Испаниялик фотограф Эмилио Моренатти 18 йилдан бери Associated Press нашри учун суратлар олади. Унинг ишлари дунёнинг энг яхши фотография танловларида намойиш этилган, 2021 йилда у кекса испанияликларнинг коронавирусга қарши курашаётгани акс этган суратлари учун Пулитцер мукофотига сазовор бўлган. Моренатти Украинага уруш бошланишидан олдин келган ва ўшандан бери фронт ортидаги шаҳарлар ҳаётини суратга олмоқда. Қуйида Моренаттининг деярли ҳар куни Россия армияси томонидан шиддатли ўққа тутилаётган Николаевдан янги кадрлари.
Кривой Рогдаги бомбапаноҳда якка кураш бўйича турнир
Украина ҳарбийлари Донбасс шимолидаги позицияларда
Украина Қуролли кучлари Бош штабининг сўнгги маълумотларига кўра, Россия қўшинлари Донецк вилоятидаги Украина армияси позицияларига ҳужум қилишда давом этмоқда ҳамда Баҳмут ва Авдеевка йўналишларида илгариламоқда. Бош штаб Украина Қуролли кучлари Баҳмут, Авдеевка ва Донецк вилоятининг бошқа шаҳар-қишлоқларида ҳужумларни қайтарганини даъво қилмоқда.
Изоҳ (0)