24-oktabr kuni Ukraina Lugansk viloyatidagi Karmazinovka, Myasojarovka va Nevskoye qishloqlari hamda Donetsk viloyatidagi Novosadovo qishlog‘i ozod etilganini e’lon qildi. Ularning barchasi Xarkov viloyati bilan chegaralar yaqinida joylashgan. Rossiya harbiylari Ukraina “iflos bomba”ni portlatishga tayyorlanayotganini da’vo qilmoqda. G‘arb esa bu ma’lumotlarni rad etib, buni Rossiyaning keskinlikni oshirish uchun bahonasi deb hisoblamoqda. Meduza urushning 243-kuniga oid asosiy fotosuratlarni taqdim etdi.
Izyumdagi kasalxona. Fotosuratlar Yevgeniy Maloletka tomonidan olingan
Izyum kasalxonasi shaharda Rossiya istilosi davrida — 1-apreldan 11-sentabrgacha o‘z faoliyatini davom ettirgan yagona tibbiyot muassasasi bo‘ldi. Bugun ukrainalik sapyorlar kuchli o‘qqa tutilgan kasalxona atrofini minalardan tozalamoqda, ilgari odamlarni qutqarish uchun rossiyalik harbiylar bilan til topishishga majbur bo‘lgan shifokorlar esa hozirgi vayronagarchilik sharoitda qo‘lidan kelgancha ishlamoqda. Ushbu urushning asosiy fotosuratchilaridan biri Yevgeniy Maloletka bu kadrlarni sentabr oyida olgan, ammo ular asosida Associated Press fotoreportaji 24-oktabr kuni chop etildi.
Nikolayevdagi hayot. Fotosuratlar muallifi — Emilio Morenatti
Ispaniyalik fotograf Emilio Morenatti 18 yildan beri Associated Press nashri uchun suratlar oladi. Uning ishlari dunyoning eng yaxshi fotografiya tanlovlarida namoyish etilgan, 2021-yilda u keksa ispaniyaliklarning koronavirusga qarshi kurashayotgani aks etgan suratlari uchun Pulitser mukofotiga sazovor bo‘lgan. Morenatti Ukrainaga urush boshlanishidan oldin kelgan va o‘shandan beri front ortidagi shaharlar hayotini suratga olmoqda. Quyida Morenattining deyarli har kuni Rossiya armiyasi tomonidan shiddatli o‘qqa tutilayotgan Nikolayevdan yangi kadrlari.
Krivoy Rogdagi bombapanohda yakka kurash bo‘yicha turnir
Ukraina harbiylari Donbass shimolidagi pozitsiyalarda
Ukraina Qurolli kuchlari Bosh shtabining so‘nggi ma’lumotlariga ko‘ra, Rossiya qo‘shinlari Donetsk viloyatidagi Ukraina armiyasi pozitsiyalariga hujum qilishda davom etmoqda hamda Bahmut va Avdeyevka yo‘nalishlarida ilgarilamoqda. Bosh shtab Ukraina Qurolli kuchlari Bahmut, Avdeyevka va Donetsk viloyatining boshqa shahar-qishloqlarida hujumlarni qaytarganini da’vo qilmoqda.
Izoh (0)