Голливуд актрисаси Анжелина Жоли опера хонандаси Мария Каллас ҳақидаги автобиографик фильмда суратга тушади, деб хабар бермоқда «Правила жизни» нашри.
«Мария» фильми чилилик режиссёр Пабло Ларреин томонидан суратга олинади. Сценарий «Спенсер» фильми ва «Шелбилар оиласи» сериали сценарийси муаллифи Стивен Найт томонидан ёзилади. Нашрнинг ёзишича, фильм дунёнинг энг машҳур опера хонандаларидан бирининг 1970 йилларда Париждаги сўнгги кунларидаги «бўронли, гўзал ва фожиали ҳаёт қиссаси»ни ўз ичига олади ва уни қайта тасаввур қилишга ёрдам беради.
«Мен Мариянинг ҳаёти ва меросини томошабинларга етказиб бериш масъулиятини жуда жиддий қабул қиламан. Бу вазифани бажариш учун қўлимдан келган барча ишни қиламан. Пабло Ларреин — мени узоқ вақтдан бери ҳайратга солган режиссёр», — дейди Жоли. Актриса ва Ларреин бу лойиҳани «орзу» деб атаган.
«Кино ва операни уйғунлаштириш — менинг узоқ кутилган орзуим эди, икки энг чуқур эҳтиросим. Буни жасур ва изланувчан актриса Анжелина билан қилиш ажойиб имконият. Ҳақиқий совға», — дейди фильм режиссёри.
Мария Каллас — Нью-Йоркда туғилган, асли юнон бўлган америкалик сопрано. Хонанда Италияда яшаб ижод қилган. Каллас кейинчалик Жаклин Кеннедига уйланган Аристотел Онассис билан ишқий муносабатда бўлган.
Пабло Ларреин — Натали Портман иштирокидаги Жаклин Кеннеди ҳақида суратга олинган «Жеки» биографик фильми, шунингдек, Кристен Стюарт бош ролни ижро этган малика Диана ҳақидаги «Спенсер» картинаси муаллифи ҳисобланади.
Мавзуга доир:
- Анжелина Жоли, Мерил Стрип ва бошқа машҳурлар ҳақида ҳатто уларнинг содиқ мухлисларини ҳам ҳайратда қолдирадиган фактлар (фото)
- Анжелина Жоли бундан бир неча йил аввал Бред Питни зўравонликда айблагани маълум бўлди.
- Фото: Рианна, Анжелина Жоли, Адел ва бошқа машҳурлар қандай атирдан фойдаланади?
- Анжелина Жоли, Жонни Депп, Ал Пачино ва ўзи иштирок этган фильмларни кўришни хоҳламайдиган бошқа машҳурлар (фото).
Изоҳ (0)