Бурак Ўзчивит, Киванч Татлитуғ ва бошқа машҳур турк актёрлари кинодаги карьераси давомида қанчалик ўзгарган?

Турк кино оламидаги лойиҳаларнинг муваффақиятли чиқиши сценарийга, шу билан бирга актёрларнинг ижросига ҳам боғлиқ. Қайсидир актёр ташқи кўриниши билан, қайсидири ижроси билан, яна қайсидир актёр эса яхши лойиҳада суратга тушгани билан мухлислар ёдида қолади. «Яндекс Дзен» нашри нафақат Туркияда, балки дунё бўйлаб машҳурликка эришган актёрлар карьераси давомида қанчалик ўзгаргани ҳақидаги маълумотларни тақдим этди.

Киванч Татлитуғ

Киванч Татлитуғ — «Энг яхши актёр» номинациясида икки марта Golden Butterfly Awards мукофотини қўлга киритган турк актёри. У фаолияти давомида 15 та лойиҳада рол ўйнаган, уларнинг кўпчилиги бир нечта мавсумда юқори рейтинглардан жой олган. «Тақиқланган севги» сериали эса турк киносининг классикасига айланди.

Чиғатай Улусой

Турк актёри Чиғатой Улусой ижодий фаолиятини моделлик бизнесидан бошлаган. У 2010 йилда «Туркиянинг энг яхши модели» танловида ғолиб бўлган ва йилнинг энг яхши модели деб топилган. Актёр ўша пайтда Туркия телеканалларида намойиш этиладиган «Мен унга Фариҳа деб исм қўйдим» сериалида бош ролни ижро этди. Кейинчалик эса «Тўлқин» ва «Ичкарида» сериалларида суратга тушди. Чиғатой рақамли платформа учун суратга тушган биринчи турк актёри ҳисобланади. Бу «Ҳимоячи» номли сериал бўлган. Унинг иштирокидаги «Қоғозли ҳаёт» фильми Netflix’да муваффақият қозонди ва яқинда Измир кинофестивалида фильм шов-шувларга сабаб бўлиб, еттита совринни қўлга киритди.

Кадир Доғулу 

Кадир Доғулунинг кино оламга кириш орзусини амалга ошириш имконияти кам бўлган, чунки у кам таъминланган оилада туғилган. Актёрнинг оиласида ундан ташқари тўрт нафар фарзанд бўлган. Бироқ қатъиятлилик ва актёр бўлиш истаги унга муваффақият қозонишга ёрдам берди. Унинг фильмографиясида 13 та лойиҳа мавжуд. Кадир «Истанбулнинг икки юзи», «Менга қандай севишимни айт», «Кўсем» лойиҳаларида суратга тушган. Ҳозирда актёр рафиқаси Неслиҳан Атагул билан бирга «Туннинг охирида» сериалида суратга тушмоқда. У ўзининг продюсерлик компаниясини очиб, фаолиятини кенгайтирди.

Бурак Ўзчивит

Бурак Ўзчивит — суратга олиш майдончасига моделлик бизнесидан келган туркиялик актёр. У 2003 йили «Туркиянинг энг яхши модели» танловида ғолиб бўлгач, «Дунёнинг энг яхши модели» танловида иштирок этади ва бу танловда иккинчи ўринни эгаллайди. Шундан сўнг у турк киноижодкорларининг эътиборини тортди ва фильмларда рол ўйнай бошлади. Унинг кинодаги карьерасини муваффақиятли дейиш мумкин, актёрнинг фильмографиясида 16 та лойиҳа мавжуд. Унинг иштирокидаги «Севги изтироби» сериали 2017 йилда 45-Халқаро «Гремми» мукофотлаш маросимида «Йилнинг энг яхши теленовелласи» номинациясида биринчи ўринни эгаллади. Актёр яқинда бир мавсумдан ортиқ давом этиши кутилаётган юқори рейтингли «Қурилиш: Усмон» сериалида суратга тушди.

Керем Бурсин

Керем Бурсин — ўз фаолиятини Голливудда бошлаган машҳур турк актёри. Керем хизмат вазифасини бажарганидан бери отаси билан турли мамлакатларга: Шотландия, Бирлашган Араб Амирликлари, Малайзия, АҚШ ташриф буюриб, у ерда актёрлик фаолиятини бошлаган. Бироқ у «Қуёшни кутиш» сериалида рол ўйнаб, Туркияда машҳурликка эришди. Шундан сўнг Керем 17 та лойиҳада суратга тушди. Унинг иштирокидаги «Эшигимни сен қоқ» сериали эса актёрнинг дунё бўйлаб машҳурликка эришишига сабаб бўлди.

Иброҳим Челиккўл

Иброҳим Челиккўл 19 ёшидан бошлаб, университетнинг Иқтисодиёт факультети талабаси бўлган пайтида моделлик фаолиятини бошлаган. Актёр кинога тасодифан кириб қолган, у рол учун кастингдан ўтган дўстини қўллаб-қувватлаш учун кастингга борган, Ўшанда 2008 йил эди. Шундан бери актёр 17 та лойиҳада рол ўйнади, уларнинг орасида энг машҳурлари «Оқ ва қора севги», «Буюк иккилик», «Сиз туғилган уй — сизнинг тақдирингиз», «Қушларнинг парвози» лойиҳаларидир.

Турк кино оламида ўз актёрлик маҳорати билан нафақат Туркияда, балки чет элда ҳам машҳурликка эришган истеъдодли актёрлар кўп. Ҳар бир актёрнинг ўз мухлислари бор, улар кумирининг ижодий фаолиятини кузатиб боради, унинг иштирокидаги бирорта лойиҳани ҳам ўтказиб юбормайди.

Мавзуга доир:

• Суратга олиш майдончасида жанжал келтириб чиқарган энг инжиқ турк актёр ва актрисалари (фото).
• Сериалларда бирга суратга тушган бўлса-да, саҳна ортида бир-бирини кўрарга кўзи йўқ турк актёр ва актрисалари (фото).
• Киванч Татлитуғ, Назан Кесал, Чиғатай Улусой ҳамда бошқа таниқли турк актёрлари иштирокидаги янги сериаллар.
• «Асал ойи»даги Демет Ўздемир ва Ўгузхан Коч, Ҳанде Эрчелдан турк аёллари учун янги лойиҳа. Турк киноси янгиликлари.