Пул ювишга қарши молиявий чора-тадбирлар гуруҳи (FATF) Покистонни терроризмни молиялаштиришда гумон қилинган давлатлар «кул ранг рўйхати»дан чиқарди. Бу ҳақда Bloomberg хабар бермоқда.
FATF маълумотларига кўра, Покистон жиноий фаолиятдан олинган даромадларни қонунийлаштириш ва терроризмни молиялаштиришга қарши курашнинг «самарадорлигини оширди», шунингдек, ҳаракатлар режасини амалга ошириш натижасида техник камчиликларни ёпди.
Покистон 2018 йилдан бери FATF мониторинг рўйхатида эди. Ўша йили ташкилот мамлакат ҳукумати билан биргаликда терроризмни молиялаштиришга қарши курашиш бўйича 27 банддан ва 2021 йилда яна 7 банддан иборат чора-тадбирлар режасини ишлаб чиқди.
2022 йил сентябрь ойида FATF режанинг боришини кўриб чиқиш учун Покистонга экспертлар гуруҳини юборди. Амалдаги қарор аудит натижаларига кўра қабул қилинди.
Покистоннинг «кул ранг рўйхат»дан чиқарилиши, жорий йилда 40 миллиард долларга яқин зарар келтирган ҳалокатли сув тошқинларидан кейин мамлакат учун жуда зарур бўлган хорижий молиялаштиришни осонлаштиради.
Аввалроқ сув тошқинлари оқибатида Покистон Ўзбекистондан катта миқдорда пиёз сотиб ола бошлагани ҳақида хабар берилган эди.
Изоҳ (0)