Агар Россия Киевдаги «қарор қабул қилиш маркази» яъни Украина президентининг офиси жойлашган Банкова кўчасига зарба берса, дунё Кремлга жавоб қайтаришга мажбур бўлади. Бу ҳақда Украина президенти Владимир Зеленский Канаданинг CTV ва CBC телеканалларига берган интервьюсида айтиб ўтди.
«Агар қарор қабул қилиш марказига зарба берилиши ҳақида хабар пайдо бўлса, дунёнинг жавоби қуйидагича бўлиши керак: Банковага зарба берсанг, у ҳолда, ўзинг турган жойга ҳам зарба берилади. Буни амалга оширадиган бўлсанг, билиб қўй, зарбанг оқибатларидан қатъи назар, бир сония ҳам ўтмай сендаги қарор қабул қилиш маркази зарбаларга учрайди», — деди Украина раҳбари.
Бу масалада Украинанинг НАТО давлати экани ё эмаслиги аҳамиятсиз, дея қўшимча қилди Зеленский.
Россия Украинанинг муҳим инфратузилмасига ҳужум қилишни тўхтатмаяпти. Хусусан, 19 октябрь, чоршанба куни улар Ивано-Франковск вилоятидаги Бурштин иссиқлик электр станциясига ракета ҳужумларини уюштирган. Зеленский рус қўшинларининг муҳим объектларга зарбаларини «террорчиларга хос тактика» деб таърифлаган.
Изоҳ (0)