Охирги ҳафтада Украинанинг босиб олинган ҳудудларида рус аскарларини тайёрлаган Эроннинг ўн нафар фуқароси Украина томонининг зарбалари натижасида ҳалок бўлди. деб ёзади Jerusalem Post.
Нашр тафсилотларни келтирмади, бироқ босиб олинган Херсон вилояти ва Қримда эронлик инструкторлар борлигини биринчилардан бўлиб эълон қилган Украина Миллий қаршилик кўрсатиш маркази маълумотларига таянди.
Шунингдек, The New York Times газетаси АҚШ махфий хизматларига таяниб, Эрон русларга Теҳрондан сотиб олган дронлар билан боғлиқ муаммоларни бартараф этишда ёрдам бериш учун босиб олинган Қримга инструкторлар юборганини хабар қилган эди.
Кейинчалик бу Оқ уйда тасдиқланиб, Эроннинг Украинадаги урушда бевосита иштирок этишини эълон қилинди.
Маълумки, Россия сўнгги пайтларда Украинага ҳужумлар учун камикадзе дронлардан оммавий равишда фойдаланмоқда, экспертлар буни Эроннинг Shahed-136 деб таъкидлашмоқда. Теҳрон дронларни Россияга топширганини бир неча бор рад этган. Оқ уйнинг фикрича, Эроннинг инкори ҳақиқат эмас.
Украина Ташқи ишлар вазирлиги Эронни Россияга кенг кўламли уруш олиб бориши учун қурол-яроғ билан таъминлаш уни Украина ҳудудидаги тажовузкорлик ва ҳарбий жиноятларга шерик қилишини айтган.
Изоҳ (0)