Собиқ Иттифоқ даври юлдузи, латвиялик хонанда Лаима Ваикуле Россия билан алоқаларини бутунлай узди, деб ёзади Bonjour Glamour.
Энди эса у Россияга боришдан бош тортмоқда ва мамлакат билан алоқаларини бутунлай узди. Хонанданинг бу қарори кўплаб танқидларга учради.
«Охирги 24 соат ичида менга бутун дунёдан нафратга тўла хабарлар келди, демак, жим туришимнинг иложи йўқ. Мен Маргарита Симоняннинг (Россия телевидениеси бош муҳаррири — «Дарё» изоҳи) кимлигини тахминан билардим. Энди аниқ биламан. Бу ҳар қандай ахлоқ меъёрларини менсимайдиган одам ва мен айни пайтдан бошлаб унга бутунлай қўл силтайман. Алла Пугачёва ва Максим Галкинни ҳам яхши биламан. Афтидан, Симонян негадир бу мутлақо бахтли ва аҳил жуфтликка нисбатан нафрат туйғуси билан тўлиб-тошганга ўхшайди (Симонян эфир вақтида Галкинга нисбатан ўта ҳақоратли сўзларни ишлатган ва уни ўз карьераси фойдаси Пугачёвани севгандек қилиб кўрсатаётганликда айблаган. Симоняннинг бу танқидига сабаб эса Галкиннинг урушни қоралаган фикрлари бўлган — «Дарё» изоҳи)», — дейди Лаима танқидларга жавоб қайтараркан.
Изоҳ (0)