Россия муҳим ҳарбий техника ва кучларини Суриядан Украинага ўтказди, деб хабар беради The New York Times Яқин Шарқдаги юқори лавозимли манбаларига таяниб.
Нашр суҳбатдошларига кўра, С-300 комплекслари ва мингдан ортиқ аскарлар Суриядан Украинага олиб келинган.
Шунингдек, NYTнинг икки манбаси Суриядан Украинага иккита батальон (1200-1600 киши) жўнатилиши ҳақида айтган бўлса, яна бири аскарларнинг сони бундан кўпроқлигини иддао қилмоқда.
Исроил расмийсининг айтишича, Сурияда жанг қилган бир неча россиялик қўмондон ҳам Украинага юборилган. Шунингдек, у Москвадаги Россия ҳарбий раҳбарияти минтақадаги операцияларни кундалик бошқаришда камроқ иштирок этганини қайд этди. Шундай қилиб, Россия Исроилга нисбатан ҳарбий мувофиқлаштириш билан камроқ банд бўлган.
Газетанинг таъкидлашича, С-300 ва Россия қошинларининг бир қисмини олиб чиқиб кетиш Исроилнинг ҳаракатларига таъсир қилиши мумкин. Манбаларнинг фикрича, унинг Украина армиясини қурол-яроғ билан таъминлашдан бош тортиши қисман руслар Суриядаги Исроил самолётларига қарши С-300 дан фойдалана олишидан чўчиш билан боғлиқ. Яна бир сабаб, Россия Исроил фуқароларига мамлакатдан чиқиб кетишни тақиқлаб қўйишидан қўрқишдир.
Аввалроқ Исроил ҳукумати Украинага қурол бермаслиги, аммо ракета ҳужумидан огоҳлантириш тизимида ёрдам беришга тайёр эканлиги ҳақида хабар қилинган эди.
Изоҳ (0)