Хитой банклари юанни қўллаб-қувватлаш учун доллар сотишни кучайтирди

Бугун, 17 октябрь куни Хитой давлат банклари юанни қўллаб-қувватлаш учун валюта интервенсиясини кучайтирди. Бу ҳақда «Коммерсантъ» хабар бермоқда.

Маҳаллий бозорда доллар савдоси йил бошидан бери АҚШ валютасига нисбатан 12 фоизга тушиб кетган валюта курсини мустаҳкамлашга қаратилган. 

Хитойнинг йирик давлат банклари валюта айирбошлаш орқали юанни долларга алмаштириб, кейин долларни маҳаллий бозорда сотади.

Савдогарлар бундай чора фақат қисқа муддатли таъсир кўрсатиши мумкинлигига ишонади. 

Бундай валюта интервенсиялари одатда узоқ муддатда натижа бермайди, лекин улар дарҳол қисқа муддатли самара беради, — деди Хитой Ғарбий инвестиция банкининг ходими. 

Хитой расмийларининг қадрсизланаётган миллий валютани қўллаб-қувватлаш истаги сентябрь ойи охирида маълум бўлганди. 

Кейинчалик Reuters бир неча манбаларга таяниб, Хитой Халқ банки мамлакат давлат банкларига доллар сотиш ва юань сотиб олишга тайёргарлик кўришни буюрганини хабар қилди.

Аввалроқ юаннинг долларга нисбатан курси сўнгги 14 йиллик энг паст даражага етгани ҳақида хабар берилган эди