«Дарё» интернет-нашри ҳамда Тошкент шаҳри ҳокимлиги қошидаги Жамоатчилик кенгаши ҳамкорлигида ташкил этилган «Маҳалла. Муаммо. Мулоҳаза» лойиҳасининг 3-сони меҳмони адлия вазирининг давлат тили масалалари бўйича маслаҳатчиси, блогер Шаҳноза Соатова бўлди. Кўрсатувнинг бу галги мавзуси — ўзбек тилини ўрганиш муаммолари.
Шаҳноза Соатова қонунчилик ҳужжатларидаги давлат тили билан боғлиқ муаммоларни санаб, уларнинг ечимларига ҳам тўхталди.
«Бизда кўп гапиришади қонун тилини, унинг ғализлигини, бошқа тилдан таржима қилинишини, давлат тилида ёзилмаслигини.
Охирги пайтда мана биз Адлия вазирлигида давлат тилида ёзилмаган қонунчилик ҳужжатлари лойиҳаларини экспертизага қабул қилмаяпмиз. Қайтариб юборяпмиз.
Ёки, масалан, жамоатчилик муҳокамаси порталига қўйиладиган ҳужжатларни олсак. У ердаги лойиҳаларни мувофиқлаштириш ҳам бизнинг зиммамизда. Агар улар ҳам давлат тилида бўлмаса, порталга қўймаймиз. Давлат тилида бўлиши шарт.
Мана шундай ишлар билан давлат тилини тартибга сола бошладик. Албатта, ҳамма ишни қилиб, қотириб қўйдик, энди байрам қилсак бўлади, демаймиз. Байрамни нишонлаймиз-у, аммо қиладиган ишлар ҳам кўп», — дейди блогер.
Кўрсатувни тўлиқ тарзда «Дарё»нинг YouTube’даги саҳифаси орқали томоша қилиш мумкин.
Изоҳ (0)