Telegram’даги «Экологуз» каналида республиканинг жанубий муҳофаза қилинган табиий ҳудудларида жайраларни ноқонуний овлаш амалга оширилгани акс этган видео эълон қилинганди. Давлат экология қўмитаси матбуот хизмати ҳолат юзасидан маълумот берди.
Қайд этилишича, қўмита ва ички ишлар органлари ходимларидан иборат «экологик патруль» гуруҳи томонидан видеотасвирда кўрсатилган ҳолат содир этилган манзил ва фуқароларнинг шахсини аниқлаш юзасидан ҳозирда ўрганиш ишлари олиб борилмоқда.
Эслатиб ўтамиз, Ўзбекистон Республикасининг Маъмурий жавобгарлик тўғрисидаги ҳамда Жиноят кодексларида ҳайвонларга нисбатан шафқатсиз муносабатда бўлганлик учун жавобгарлик чораси белгиланган. Ҳолат юзасидан қўшимча маълумот берилишини маълум қиламиз, — дейилади хабарда.«Экологуз»да эълон қилинган видео остида қуйидагича шарҳ ёзилган.
Ўзбекистонда ёввойи ҳайвонларнинг эркин яшаши, табиатда уларнинг сони қанчалиги, кўпайиши ва озуқа манбалари абгор ҳолатда. Келажак авлодга ёввойи табиатни қандай етказамиз? Аниқ лойиҳа, илмий ўрганишлар натижаси бормикан?
Каналимизга келиб тушаётган мурожаатларда Экоқўмита фақат жарима қўллаш, пул тушумлари билан иш юритишаётгани айтилади. Буни экоинспекторлар ҳам айтишади: «Афсус, аммо талаб қилинаётган пул тушумини бажариш учун ҳуқуқбузарлик содир этилишини пойлаб туришга мажбурмиз». Балки, жониворларнинг ўлдирилиши, дарахтларнинг кесилишини пойлаб турмай, уларни сақлаб қолиш чораларини кўриш вақти келмадимикан?
Ўзбекистон қонунларида табиатни муҳофаза қилишдан мақсад инсон саломатлиги экани кўрсатилган. Кадрлар масаласи-ку, экологияда мутлақо издан чиқиб кетган. Бошқарма раҳбарлари эколог мутахассис эмас. Юқоридаги ҳолат бўйича жайра ушловчилар топилади, деган умиддамиз, — дейилган унда.
Изоҳ (1)
Bla rasmiy javob kutup qolamiz