«Ўзагросуғурта» томонидан даъво аризаси бўйича тўлаб берилган суғурта товонлари суммаси маълум қилинди

«Ўзагросуғурта» АЖ томонидан ўтган даврда 3444 та даъво аризаси бўйича 31 миллиард сўмдан ортиқ суғурта товонлари тўлаб берилди. Бу ҳақда АОКАда ўтказилган брифингда аксионерлик жамияти ахборот хизмати раҳбари Шуҳрат Қобилов маълум қилди.

Суғурталанувчиларга тўлаб берилган тўловлар асосан қуйидаги суғурта турлари кесимида амалга оширилди:

• транспорт воситалари эгаларининг фуқаролик жавобгарлигини мажбурий суғурталашда 765 та мурожаат юзасидан – 6 миллиард 438 миллион сўм;
• иш берувчининг фуқаролик жавобгарлигини мажбурий суғурталаш суғурта тури бўйича жами 58 та ҳолатда – 5 миллиард 322 миллион сўм;
• қишлоқ хўжалиги экинлари ҳосилини иҳтиёрий суғурталаш бўйича 17 та мурожаат юзасидан – сал кам 4 млрд 569 миллион сўм;
• шунингдек, 2 604 та ҳолат юзасидан – 14 млрд 692 млн сўм.

• Касб касаллигига учраган фуқарога 191 млн сўм суғурта товони тўлаб бериладиган бўлди
• «Ўзбекинвест»нинг ҳарбий хизматчиларни мажбурий суғурта қилиш бўйича монополиясига барҳам берилди