«Пахтакор» клуби бош мураббийи Максим Шацких Суперлига 22-тури доирасида «Қўқон-1912»га қарши кечган ўйиндаги (5:2) ғалабадан кейин ўз фикрлари билан ўртоқлашди.
Ўйин ҳақидаБиринчи бўлимда кўп вазият яратдик, бироқ рақиб икки зарбаси билан ҳисобни тенглаштириб кетди. Хатолар бўлди, албатта. Ҳар бир жамоа адашади. Иккинчи бўлимда тезлик қўшсак, барчаси жойида бўлишини сезиб тургандик. Янада кескинроқ ўйнай бошладик ва буни натижада акс эттирдик.
Элдор Суюновнинг ҳолати борасида
Унда маълум бир муаммолар бор эди. Ҳозир машғулотларда тайёргарликни давом эттирмоқда. Кейинги учрашувда маълум бўлади.
Чемпионлик имконияти ҳақида
Имконият доим бор. Олдинда тўртта ўйин қолган. Биз доим ўз ўйинимизга тайёрланамиз. Қолганини мавсум тугагач кўрамиз.
Ўзбек клубларидаги камчиликлар борасида
Стадионлар борасида камчиликлар бор. Сифатли майдонлар етишмаяпти. Болаларимиз, ёшларимиз учун ҳам сифатли майдонларга эга бўлишимиз керак. «Томорқа»да машғулот ўтказган футболчидан чиройли футбол талаб қилиб бўлмайди.
Бундай шароитда рақиб билан эмас, бошқа нарсалар, дейлик майдон ва тўп билан курашишга тўғри келади. Бизнинг иқлимда майдон идеал бўлиши керак. Чунки йилнинг 10 ойида қуёш чарақлаб турган бўлади. Балки пул сабабми ёки яхши агрономлар етишмаяптими, билмадим.
Ҳозирда исталган жамоа футбол ўйнашни билади. Комбинациялар орқали ўйин ташкил қилади. Фақат айрим жамоалар оддий футбол кўрсатмоқда. Агар майдон талабга жавоб бермаса, қандай комбинацион футбол кўрсатиш мумкин? Март ойида катта мусобақага мезбонлик қиламиз. Майдонларимиз қандай ҳолатда? «Бунёдкор» таъмирлаш ишларини олиб боряпти. «Жар» янгидек ҳали. «Пахтакор» стадиони бор, тамом.
2023 йилги халқаро мусобақалар ва йиғинлар таркиб шакллантиришга халал бериши ҳақида
Биз фақат ўз йиғинларимиз ва машғулотларимизни режалаштирамиз. ФИФА кунлари, машғулотлар бор. Тўғри айтдингиз терма жамоага футболчиларимиз чақирилади. Биз бу билан фахрланамиз. Бироқ шундай палла бўляптики, жамоада 9-10 киши қоляпти ва биз U-19 жамоасидан футболчи оляпмиз.
Айрим ўйинчиларимиз Тожикистонга бориб келди. Жароҳатдан ҳали тузалгани йўқ. Ўз футболчиларимизни қанча вақтга, қандай мусобақаларга қўйиб юборишимиз мумкинлиги ҳақида регламент бор. Терма жамоа бу — терма жамоа. Улар қандай ҳолатда ортга қайтади, билмаймиз. Кўрамиз, ўзаро тил топишамиз деб ўйлайман.
Ёзги трансфер ойнасида жамоа келган футболчилар ҳақида
Уларни 50/50 баҳолайман. Қишда яна муҳокама қиламиз. Таркибни кучайтирамиз. Соғлом рақобат ҳам бўлиши зарур. Бу футболчининг руҳиятига таъсир қилади. Бугун мен, эртага ўрнимга бошқаси майдонга тушиши мумкин, деган фикр бўлиши лозим.
Максим Шацких, «Пахтакор» бош мураббийи
Изоҳ (0)