«Барселона» раҳбарияти «Реал»га учралган мағлубиятга қарамасдан, Хавига ишонишда давом этади.
Diario Sport нашрининг хабарига кўра, «кўк-анорранглилар» раҳбарияти ўтган ҳафтада Чемпионлар Лигасида «Интер» билан дуранг, Ла Лигада «Реал»га 1:3 ҳисобидаги учралган мағлубиятдан хафа.
Қониқарсиз натижаларга қарамасдан, каталонияликлар раҳбарияти Хавига ишонмоқда, мураббий Ла Лиганинг навбатдаги турлари доирасидаги «Вильярреал» ва «Атлетик»ка қарши баҳсларда вазиятни ўнглай олади деб ҳисобламоқда.
«Барселона» Хавини истеъфога чиқариш вариантини кўриб чиқмаяпти. У жамоани қайта қуришга тайёр мураббий саналади. Шу билан бирга мураббийдан бир вақтнинг ўзида бир нечта жиҳатлар бўйича ўсиш кутилмоқда — раҳбарият жамоага лойиқ бўлганлар таркибда бўлишини, шунингдек, топ-ўйинларда яхшироқ футбол кўрсатишни кутмоқда.
Раҳбарият ФИФА кунларидаги танаффусдан сўнг «Барселона»нинг натижалари бунчалик ёмонлашганини тушунмаяпти. Халқаро баҳслар учун танаффусдан кейин жамоа Ла Лигада «Мальорка» (1:0) ва «Сельта»га (1:0) қарши ўйинларда қийин ғалабага эришди, Чемпионлар Лигасида «Интер» (0:1, 3:3), Ла Лигада «Реал»га (1:3) қарши баҳсларда омадсиз натижа қайд этди.
Каталонияликлар президенти Хоан Лапорта жуда ғазабланган ва ўзини ожиз ҳис қилмоқда. У тўртта иқтисодий дастакни фаоллаштириб, трансферлар учун 200 миллион евро сарфлади ва рақобатбардош жамоа шакллантирдим деб ўйлаганди. Шу ўринда Лапорта Хави жамоанинг қайта қурилиши жонбозлик кўрсатаётгани ва унга вақт бериш кераклигини тушуниб турибди.
Раҳбарият «Барселона» Ла Лига чемпионлиги учун «Реал» билан курашда давом этишига ишонмоқда.
Изоҳ (0)