Европада газ нархи бугунги савдолар давомида 1 000 куб метр учун деярли 1 200 долларгача тушди. Лондон фонд биржаси ICE маълумотларига кўра, бу ҳолат 15 июндан бери биринчи марта қайд этилмоқда.
Нидерландиядаги ТТФ марказида ноябрь фьючерслари нархи 1 000 куб метр учун 1 202 долларгача пасайди. Бу МВт/соат учун 118 евро дегани.
17 октябрь куни қитъада газ нархи уч ойлик энг паст даражага, 1 400 долларгача пасайган эди.
Кун бошидан буён газ нархининг умумий пасайиши 7 фоиздан ортиқни ташкил этди.
Нархнинг пасайиши Европа Иттифоқидаги газ захираларининг максимал даражага яқинлашиши, минтақада нисбатан илиқ об-ҳаво кузатилаётгани ва электр энергиясини ишлаб чиқаришда шамол иссиқлик станцияларининг ўртача улуши сезиларли даражада ошиши билан боғлиқ.
Август ойи охирида «Шимолий оқим» орқали газ етказиб бериш тўхтатилгани ҳақидаги хабарлар фонида Европада газ нархи 1 минг куб метр учун 3500 долларга етганди.
Изоҳ (0)