Bloomberg Economics янги прогнозига кўра, АҚШ иқтисодиёти келгуси 12 ой ичида муқаррар равишда таназзулга юз тутади. Бу ҳақда «Интерфакс» хабар бермоқда.
Ушбу прогнозга кўра, рецессия эҳтимоли 100 фоизга баҳоланмоқда, бу бир неча ўн йилликлар ичида энг юқори даражага етган доимий юқори инфляция, Федерал захира тизимининг (Фед) пул-кредит сиёсатининг кескинлашуви ва ўсиб бораётган геосиёсий кескинликлар билан боғлиқ.
Янги прогноз АҚШ президенти Жо Байден мамлакат иқтисодиётида рецессия бўлиши эҳтимолдан йироқ эмас деган фикрни билдирганидан бир ҳафта ўтиб эълон қилинди, — деб ёзади The New York Post.
Шу билан бирга, қисқароқ давр — кейинги 10 ой ичида рецессия эҳтимоли нолдан 25 фоизгача кўтарилди.
Сўнгги ойларда юқори истеъмол нархлари шароитида, Феднинг асосий ставкани фаол ошириши фонида кенг кўламли рецессия қўрқуви кучайди.
Инвесторларнинг фикрича, Фед инфляция динамикасига жавобан пул-кредит сиёсатини ҳаддан ташқари қаттиқлаштириши мумкин, бу эса АҚШ иқтисодиётини узоқ давом этадиган рецессияга олиб келади.
Фед ўтган учта йиғилишнинг ҳар бирида ставкани 75 базавий пунктга оширди, экспертлар ноябрь ойида бўлиб ўтадиган йиғилишда регулятордан яна бир кенг кўламли ўсишни кутмоқда.
Кўрсаткичлар ошишига қарамай, сентябр ойида инфляция йиллик кўрсаткичда 8,2 фоизни ташкил этди. Бу эса ўтган етти ой ичидаги энг паст кўрсаткич ҳисобланади.
Изоҳ (0)