Бўяшдан кейин дуч келиш эҳтимоли юқори бўлганенг кенг тарқалган (ва ачинарли — сарфланган вақт ва пулни ҳисобга олган ҳолда) муаммо — бу тирнаш хусусияти пайдо бўлган бош териси ёки гуллаган соч учлари эмас, балки сочнинг рангидир. Marie Claire нашри бўялган сочларга қандай ғамхўрлик қилиш борасида бир нечта тавсиялар билан бўлишди.
Нима учун бўёқ жуда тез ювилади?
Соч таркибидаги табиий пигмент сунъий билан алмаштирилганда ранг ўзгариши кимёвий жараёндир. Бўёқ сочларда абадий қолиши мумкин эмас: сочлар жуда кучли механик стрессга дучор бўлади, бунинг натижасида сунъий зарралар аста-секин тушади ва толаларни пигментсиз қолдиради. Бўёқ қўлланиладиган асос ва сочларнинг ҳолати жараёндан олдин эътибор бериш керак бўлган асосий нарсалардир.
Парваришга муҳтож ёки шикастланган сочларда бўёқ кутилганидек натижа бермайди, чунки синган толаларда пигмент қолиши учун жой бўлмайди. Соғлом сочларда эса аксинча, бу жараён узоқроқ давом этади. Рангни сақлаб қолиш, шунингдек, соч ва бўёқ бир-бирига мос келишига ҳам боғлиқ. Агар соч қуюқ сарғиш бўлса, у шоколад рангга бўялганда, тўғри парвариш ёрдамида рангни кейинги бўяшгача (3-4 ҳафта) сақлаб қолиш мумкин. Қора рангли сочларда эса ёрқин рангларни сақлаб қолиш, аксинча қийинроқ.
Рангларнинг умри бўёқ нархига боғлиқми?
Уйда фойдаланиш мумкин бўлган бўёқлар, аслида, профессионалларга қараганда анча чидамли. Салондаги бўёқлар ҳатто оддийларига қараганда камроқ пигментни ўз ичига олади. Умуман олганда, олтин, жигарранг бўёқлар сочларга яхши таъсир қилади, қизил ва совуқ сариқ ранглар эса пастроқ чидамлиликка эга.
Бўялган сочлар учун мўлжалланган маҳсулотлар шунчаки рекламами?
Албатта йўқ. Бундай маҳсулотлар ҳақиқатан ҳам рангни ушлаб туради: улар сувда эрийдиган силиконларни ўз ичига олади ва сочларни ўраб олади, натижада пигментни тезда тарк этишига тўсқинлик қилади. Шунинг учун сочни мулойимлик билан тозалайдиган, сунъий пигментни минимал даражада ювадиган сулфатсиз шампунлардан фойдаланиш тавсия этилади.
Сочларини мунтазам равишда бўяйдиганлар учун уйда қандай парвариш воситалари бўлиши керак?
- ҳар ювганда бўялган сочлар учун мўлжалланган шампундан фойдаланиш;
- ҳафтасига 1-2 марта ниқоб қилиш;
- кондиционер ёки ҳар қандай парваришлаш воситасидан ҳар сафар фойдаланиш, фақат ниқоб қўлланган вақтда эмас;
- сочлар ювилгандан кейин мунтазам ғахўрлик қилиш;
- сочларини фен билан қуритишдан ва турмаклаш олдин термал ҳимоя қилиш.
Бўяшдан кейинги парвариш соч рангини сақлаб қолиш учун катта аҳамиятга эга. Сочни қайта тиклашга мўлжалланган барча маҳсулотлар бўёқнинг чидамлилик даражасини пасайтиради, шунинг учун эндигина бўялгандан кейинги сочни тиклаш керак эмас. Ҳатто буни талаб қилса ҳам, бироз кутиш керак. Бўялган сочларнинг барча турлари учун озиқлантирувчи ва намловчи маҳсулотлар мос келади, аммо улар соч сифатини тикламайди.
Шунингдек, ушбу дастурга амал қилиш мумкин:
Биринчи 48 соат: сочларни ювмаслик лозим, чунки баъзи бўёқларда бўлгани каби рангни барқарорлаштириш жараёни ҳали ҳам давом этаётган бўлиши мумкин;
1-ҳафта: бўялган сочлар учун кондиционер ва шампундан фойдаланиш тавсия этилади, парваришлашда термал ҳимояни қўшишни унутмаслик лозим;
2-ҳафта: бўялган сочларга мўлжалланган ниқобдан фойдаланиш мумкин, термал ҳимояни қўллашда давом этилади;
3-ҳафта: бўялган сочларга мўлжалланган маҳсулотлардан фойдаланиш бошланади, парваришловчи восита ва термал ҳимоя қўлланилади.
4-ҳафта: озиқлантирувчи ва намлантирувчи маҳсулотлар, бўялган сочларнинг ёрқинлигини кучайтириш, шунингдек, агар керак бўлса, кул ранг ва қайта ўсган илдизларни ниқоблаш учун спрейлар фойдаланиш мумкин.
Изоҳ (0)