Қазғоқдан қандай қутулиш мумкин: энг оддий ва самарали усуллар

Одатда эркак ва аёлларда энг кўп учрайдиган муаммоларнинг бири ҳам сочда қазғоқнинг пайдо бўлишидир. Wday нашри уни бартараф этишга ёрдам берадиган энг оддий, аммо самарали усуллар билан бўлишди.

Авало қазғоқ нима эканини аниқлаб олиш зарур. Кейин у билан қандай самарали курашиш кераклиги маълум бўлади. Қазғоқ, аслида, эпидермал ҳужайралар бўлиб, улар ёғ безларининг бузилиши натижасида ювилмайди. Аксинча, соч толалари орасида қолиб кетади.

Агар қазғоқ жиддий касалликнинг аломати бўлмаса, лекин шартли равишда косметик хусусиятга эга бўлса, шунчаки қазғоққа қарши шампунини сотиб олиш тавсия этилади.

Шампунь таркибида кислоталар бўлиши керак (масалан, салицил, лактик — улар эксфолиацияга ёрдам беради). Шу билан бирга, агар ёғли себорея бўлса, унда ҳар куни сочни ювиш керак. Қуруқ себорея бундан фарқли ўлароқ, кундалик ювиш фақат зарар келтиради.

Агар сочлар қазғоққа қарши шампунь билан ювилса ва у йўқолмаса, бу косметик муаммо эмас, балки касалликдир. Бунинг учун дорихонадан терапветик маҳсулот харид қилиш лозим.

Бундай ҳолда, комплекс терапия қазғоққа қарши курашишга ёрдам беради. У бир вақтнинг ўзида бир нечта компонентларни ўз ичига олади.  Биринчи 2-3 ҳафтада бундай маҳсулот фаол ишлатилади, кейин эса парваришлаш терапияси сифатида.

Шунингдек, ёғ безларининг ишини нормаллаштириш учун ёғли, қовурилган, спиртли ичимликлардан воз кечиш лозим. Рационда кўп тўйинмаган ёғли кислоталар, Б витаминлари мавжудлигини ошириш жуда муҳим.

Яна бир яхши ёрдам — озон терапияси, криомасаж, мезотерапия билан таъминланади. Қазғоқдан қутулиш учун сочингизни доривор шампунлар билан тўғри ювиш керак. Асосий қоидалар:

1. Сув илиқ бўлиши лозим — 36-37 даража, чунки иссиқ ҳарорат ёғ безларини рағбатлантиради ва бактерияларнинг кўпайиши учун қулай муҳитга ҳисса қўшади.
2. Шампуньни ишлатишдан олдин чайқатиш керак, шунда пастки қисмида жойлашиши мумкин бўлган терапевтик компонент асосий масса билан аралаштирилади.
3. Шампуньни аввал бош терисига юмшоқ массаж ҳаракатлари билан суртиш керак. Шундан кейингина сочнинг бутун узунлиги бўйлаб пастга тушилади.
4. Шампунь бошда 3-5 дақиқа ушлаб турилади — фаол антифунгал таркибий қисмнинг таъсири учун. Шампунь бош терисига қайта тақсимлаш учун вақти-вақти билан массаж қилинади. Сўнгра илиқ сув билан ювилди.
5. Ювиш жараёнининг охирида совуқ сув билан чайилади — бу бош териси томирларини торайтиради ва ёғ ажралишини камайтиради.

Лондон коллежи университети генетиклари қизиқ бир кашфиёт қилди. Олимларнинг фикрича, улар сочларнинг сийраклашиши ва қалинлашиши учун масъул бўлган бир қатор генларни топишга муваффақ бўлди. Бундан ташқари, тадқиқотчилар жингалак сочлар учун масъул бўлган, шунингдек, қошларнинг зичлиги генини ҳам аниқлади.

Табиий маҳсулотлардан тайёрланган соч ниқоблари узоқ вақтдан бери фойдаланиб келинади. Қазғоқни уйда ва арзон нархда даволамоқчи бўлганлар халқон усулларни қўллаши мумкин.

Лавлаги шарбати. Янги сиқилган лавлаги шарбати бошга суртилади. Бир соатдан кейин шампунь билан ювиб ташланади.

Денгиз тузи. Бир стакан сувда 2 ош қошиқ табиий денгиз тузи эритилади. Бош териси ва сочларга қўлланади. Бир неча дақиқа массаж қилиниб, шампунь билан ювиб ташланади.

Аспирин. Шампуньнинг одатдаги битта порциясига 2 та майдаланган аспирин таблеткасини қўшилади. Сочни аралашма билан ювиб, массаж қилинади. Аспиринни истеъмол содаси билан алмаштириш мумкин.

Қичитқи ўти қайнатмаси. 1,5 литр сувга 1 стакан қуритилган қичитқи солинади. 20 дақиқа давомида сув ҳаммомида қайнатилади.

Лимон қайнатмаси. 5-6 лимоннинг қобиғи 1,5 литр сувда 20 дақиқа қайнатиб олинади.

Ниқоб ва компресслар:

• кастор ёғи ва спирт тенг нисбатда;
• Олма сиркаси ва сув 1:1 нисбатда;
• 1:9 нисбатда ўсимлик ёғи ва денгиз шимоли ёғи;
• 1 дона тухум сариғи, 1 чой қошиқ репей ёғи ва асал;
• 1 дона тухум сариғи, 1 чой қошиқ кастор ёғи, асал, лимон.
• 1 дона тухум сариғи, 1 ош қошиқ зайтун мойи, 1 чой қошиқ асал, лимон шарбати ва янги хурмо пюреси.
• 1 дона тухум сариғи, 3-4 ёш қичитқи барглари шарбати, 2 ош қошиқ сметана, 2 чой қошиқ хантал ёғи ва сули ёрмаси.
• 1 дона тухум сариғи, 1 чой қошиқ асал ва алоэ шарбати, 1 ош қошиқ ҳар қандай ўсимлик мойи.

Фаол элементларнинг ҳаракат қилиш вақти бўлиши учун ниқобларни 30-60 дақиқа давомида бошда ушлаб туриш керак. Улар соч илдизларига қўлланади. Ниқобни қўллагандан сўнг бош учун ҳаммом ташкил қилинади — уни селофан билан ўраб, устидан сочиқ ёпилади. Курс камида 10 процедурадан иборат.

Юқоридаги деярли барча соч ниқоблари нафақат қазғоқни даволашда, балки сочнинг ҳолатини яхшилаш учун ҳам қўлланилиши мумкин.

 

Бош териси билан боғлиқ муаммоларнинг асосий сабаблари организмдаги ички бузилишлар билан боғлиқ. Улар нотўғри овқатланиш, витамин ва микроэлементларнинг етишмаслиги, экологик хавфлар, доимий стресс, ирсият, асаб, эндокрин, овқат ҳазм қилиш ёки гормонал тизимлар фаолиятининг бузилиши, бактериал ва вирусли инфекциялар, нотўғри танланган косметика туфайли юзага келади.

Ички ва ташқи томондан ўртадаги бу боғлиқликни тушуниб, санаб ўтилган шартларни тузатишнинг биринчи қадамларини аниқлаш мумкин. Биринчидан, энг хавфсиз ва табиий шампунь маҳсулотларини танланг. Иккинчидан, трихолог ва дерматолог билан боғланиш тавися этилади. Шунда бутун органлар ва тизимларнинг ишини нормаллаштириш ва муаммони бартараф этиш мумкин.