Бир нечта оддий гўзаллик лайфхаклари лаб қуриши ва ёрилиши хавфини камайтиришга ёрдам беради. Marie Claire нашри оқибатларини бартараф этиш ва бу муаммоларнинг олдини олиш учун энг яхши маслаҳатлар билан бўлишди.
Ичимлик ичиш ва овқатланишга аҳамият беринг
Бир қарашда фойдасиздек кўринган қоида кейинги ҳаракатлар учун асосдир. Ичимлик сувининг фойдаси ҳаммага маълум. Олимлар кунига ҳақиқатан ҳам зарур бўлган икки ёки уч литр сув миқдори ҳақида узоқ вақт баҳслаша олади. Овқатланиш эса ўз-ўзидан соғлом бўлиши керак. Рациондан ўрин олган маҳсулотлар витаминга бойлиги билан организмга фойда келтиради. Агар лаб қуриб, аллақачон ёрилиш ҳолатига келган бўлса, демак, аччиқ, шўр ва ўта ширин маҳсулотлар истеъмолидан чекланиш тавсия этилади.
Лабларни камроқ намланг
Агар бу одат тусига кириб қолган бўлса ҳам, имкон қадар лабларни совуқда камроқ намлаш керак. Чунки сўлакда амилаза ферменти мавжуд бўлиб, у оғиздаёқ овқат ҳазм қилишнинг узоқ муддатли жараёнининг биринчи босқичини бошлайди. Оғиз бўшлиғидаги крахмал билан кураша оладиган ва унинг таркибий қисмларга бўлиб ташлайдиган фермент лабларнинг нозик терисига ҳам салбий таъсир қилади. Ушбу жараён давом этаверса, лаблар қурийди, ёрилади ва ташқи кўринишга путур етказади.
Уларни ҳимоя қилинг
Ёзда терини қуёш нуридан, қишда эса совуқ ҳаводан ҳимоя қилиш табиий жараён. Аммо лаблар ҳам бундан кам эътиборга лойиқ эмас: йил давомида SPF бальзамини қўллаш тавсия этилади, айниқса қаттиқ совуқ кунларида. Қолаверса, юзнинг ярмини шарф билан тўсиш ҳам керак. Бу лаблар учун энг яхши ҳимоя воситаси бўлиб хизмат қилади.
Махсус бальзамлардан фойдаланинг
Таркибида вазелин, диметикон, ши ёғи ёки гиалурон кислотаси мавжуд бальзамлардан фойдаланиш тавсия этилади. Уларнинг барчаси намликни бир меъёрда ушлаб туришга ва микроскопик зарарни тузатишга қодир. Бальзамнинг тузилиши ёпишқоқ ва қуюқ бўлиши керак. Агар лаб териси кўчиши сурункали бўлса, керамидлар билан бойитилган бальзамларни синаб кўриш мумкин.
Мунтазам фойдаланинг
Лабларни парвариш қилиш маълум вақтда эмас, балки мунтазам равишда амалга оширилиши керак. Эрталаб оғиз бўшлиғи тозалангандан бошлаб, токи кечки пайт уйқуга кетишдан аввал ҳам лабларга махсус бальзам ёки намлантирувчи воситалар қўллаш лозим. Шунингдек, лаб учун мўлжалланган парваиш воситалари аёлларнинг сумкаси, машинаси, иш столи ҳамда хонасида бўлиши шарт. Ёдга тушганда эмас, доимий равишда уларни қўллаш лабларни соғлом ва чиройли кўриниш билан таъминлайди.
Изоҳ (0)