Россия президенти Владимир Путин Украинага қарши йирик ракета зарбалари энди зарур эмаслигини таъкидлади. Бу ҳақда у 14 октябрь куни Қозоғистон пойтахти Остона шаҳрида МДҲ саммити доирасида ўтказилган матбуот анжуманида айтиб ўтди, дея хабар беради Focus.
«Ҳозирча оммавий зарбалар керак эмас. Айни пайтда бошқа вазифалар бор», — дея изоҳ берди у Кремль Украинани оммавий ўққа тутишни давом эттиришни режалаштиряптими, деган саволга.
Ундан ташқари, журналистнинг «Украина давлат сифатида мавжуд бўладими?» деган саволига Путин «Россия ўз олдига Украинани йўқ қилиш вазифасини қўймаган», деб жавоб берди.
Шунингдек, у Украина билан уруш масалаларида «ҳеч нарсадан афсусланмаслигини» таъкидлади.
«Буни аниқ айта оламан. Ҳозирда содир бўлаётган воқеалар, юмшоқ қилиб айтганда, ёқимсиз. Лекин Украинадаги ҳолат бизда ҳам бироз кечроқ содир бўларди, фақат бундан ҳам ёмонроқ шароитда», — дея изоҳ берди у.
Шу билан бирга, Россия Федерацияси президенти ўз ҳаракатларини тўғри деб билишини таъкидлади.
Изоҳ (0)