Футбол бўйича Чемпионлар Лигасининг 4-турида C гуруҳидаги икки ўйин бўлиб ўтди.
«Барселона» ўз майдонида «Интер»ни қабул қилди. Учрашувнинг 40-дақиқасида Усмон Дембеле гол уриб, ҳисобни очди. Биринчи бўлим «Барселона» фойдасига ҳал бўлди.
Иккинчи бўлимда эса меҳмонлар фаол ҳаракат қилди ва 50-дақиқада Николо Барелла ҳисобни тенглаштирди. 63-дақиқада Лаутаро Мартинес жарима майдонида ҳимоячиларнинг пала-партиш ҳаракатидан фойдаланиб, «Интер»нинг иккинчи голини урди.
82-дақиқада Роберт Левандовски мувозанатни тиклади. Асосий вақтнинг сўнгги дақиқасида Роберт Госенс ўз ҳисобига гол ёздириб қўйди. 90+2-дақиқада польшалик ҳужумчи яна мувозанатни тиклади ва унинг голи ўйинда энг сўнггисига айланди. Якуний ҳисоб 3:3 кўринишига келди.
«Бавария» эса «Виктория» билан баҳс олиб борди ва 4:2 ҳисобида зафар қучди. Мюнхенликлар таркибида Садио Мане ва Томас Мюллер биттадан, Леон Горетцка эса иккита гол урди.
Мюнхен жамоаси очколарини 12 тага етказди ва плей-офф йўлланмасини қўлга киритди. «Интер» 7 очко билан иккинчи, «Барселона» эса 4 очко билан учинчи поғонани банд этди. «Виктория» барчага очко улашувчи жамоага айланиб, ўз ҳисобига бирорта очко жамғара олмади.
ЕЧЛ
4-тур баҳслари
12 октябрь, чоршанба
«Барселона» Испания – «Интер» Италия 3:3
Голлар: 1:0 – 40 Дембеле, 1:1 – 50 Барелла, 1:2 – 63 Мартинес, 2:2 – 82 Левандовски, 2:3 – 89 Госенс, 3:3 – 90 Левандовски.«Барселона»: тер Стеген, Сержи Роберто (Кессиэ, 72), Пике, Эрик Гарсия, Алонсо (Бальде, 72), Бускетс (де Йонг, 64), Педри, Гави (Ферран Торрес, 82), Левандовски, Дембеле, Рафинья (Фати, 64).
«Интер»: Онана, Думфрис, де Врей, Шкриньяр, Бастони (Ачерби, 85), Димарко (Дармиан, 67), Мхитарян, Чалҳанўғлу (Госенс, 76), Барелла (Аслани, 85), Жеко (Белланова, 76), Мартинес.
Огоҳлантиришлар: Мартинес (52), де Врей (55), Дембеле (78), Мхитарян (84).
«Виктория» Чехия – «Бавария» Германия 2:4
Голлар: 0:1 – 10 Мане, 0:2 – 14 Мюллер, 0:3 – 25 Горетцка, 0:4 – 35 Горетцка, 1:4 – 62 Влканова, 2:4 – 75 Климент.«Виктория»: Станек, Гавел (Голик, 46), Гейда, Тижани, Емелка (Перниса, 46), Копис (Йирка, 26), Москера, Влканова (Пиларж, 81), Калвах, Буха, Хори (Климент, 46).
«Бавария»: Ульрайх, Мазрауи, Упамекано (Ваннер, 70), Павар, Станишич, Горетцка (Гравенберх, 56), Киммих, Мюллер (Тел, 28), Мане, Коман (Шупо-Мотинг, 46), Сане (Забитцер, 70).
Огоҳлантиришлар: Мазрауи (64), Москера (78), Забитцер (90).
Изоҳ (0)