S&P Global Ratings халқаро рейтинг агентлиги Россия ва Украина уруши чўзилишининг жиддий хавфини кўрмоқда ва бу Европадаги энергетика инқирозини янада кучайтиради, деб ҳисоблайди. Бу ҳақда «Интерфакс» хабар бермоқда.
S&P экспертлари, шунингдек, ривожланган мамлакатлар марказий банкларининг асосий фоиз ставкалари ортиб бораётган инфляция босимини ҳисобга олган ҳолда агентликнинг базавий сценарийсидан юқорироқ кўтарилиши мумкинлиги ҳақида огоҳлантирмоқда.
Бу Европада, шунингдек, АҚШда кутилганидан ҳам чуқурроқ рецессияга олиб келади, — дейилади S&P шарҳида.
Агентликнинг юқоридаги хатарларни ҳисобга олган пессимистик сценарийси 2023 йилда Еврозона ялпи ички маҳсулотининг 1,3 фоизга, АҚШ ялпи ички маҳсулотининг эса 0,3 фоизга пасайишини назарда тутади.
S&P’нинг базавий сценарийси евроҳудуд иқтисодиётининг келгуси йилда 0,3 фоизга, АҚШда эса 0,2 фоизга ўсишини назарда тутади.
Агентлик экспертлари Европада энергия нархининг янада ошиши хавфи ва уларни пессимистик сценарийда нормалаш зарурлигини кўриб чиқади.
Бундай шароитда Европа Марказий банки (ECB) евронинг заифлашишини олдини олиш учун асосий ставкаларни оширишни тезлаштириши керак бўлади, бу эса импорт нархининг ошишига олиб келади.
ECB кредитлаш ставкаси 2023 йилда 3,5 фоизга етиши мумкин, бу асосий ҳолат даражасидан 1 фоиз пунктга юқори.
Изоҳ (0)