Халқаро валюта фонди (ХВФ) ҳисоботига кўра, 2022 йил охиригача глобал давлат қарзи жаҳон ялпи ички маҳсулотининг 91 фоизигача ўсади, бу пандемиядан олдинги даражадан 7,5 фоизга юқоридир. Бу ҳақда «Коммерсантъ» хабар бермоқда.
Ҳисоб-китобларга кўра, ривожланган мамлакатларнинг умумий давлат қарзи йил охирига келиб уларнинг ялпи ички маҳсулотига нисбатан 112,4 фоизгача қисқаради (ўтган йили 117,9 фоиз бўлган) кейинги йилларда ўсишга қайтади, аммо пандемия давридагидан пастроқлигича қолади.
Шу билан бирга, умумий бюджет тақчиллиги ҳажми 7,2 фоиздан 3,6 фоизгача (2020 йилда — 10,4 фоиз, 2019 йилда — 2,9 фоиз) камайиши кутилмоқда.
Ривожланаётган мамлакатларда жорий йилда қарз юкининг ўртача даражаси 65,1 фоизгача ошади, 2027 йилга бориб эса бу кўрсаткич 78,5 фоизгача ошиши мумкин.
Ривожланаётган мамлакатларда ўртача бюджет тақчиллиги жорий йилда 6,2 фоизгача кўтарилади (ўтган йилги 5,3 фоиз эди).
Хитойда ковид чекловларининг давом этиши ва ўсишнинг секинлашиши фонида, бу йил қарз 76,9 фоизгача кўтарилади (бир йил аввал 71,5 фоиз), беш йил ичида фонд 102,8 фоизгача ўсиши кутилмоқда.
Қарзни қисқартириш йўлидаги асосий тўсиқ нархларнинг ўсиши бўлди — фақат БМТнинг озиқ-овқат нархлари индекси 2019 йилдан бери 45 фоизга ўсди.
Аввалроқ мамлакатларнинг глобал қарзи 4 йилдан бери биринчи марта камайгани ҳақида хабар берилганди.
Изоҳ (0)