Нукус тумани ҳокимининг молия-иқтисодиёт ва камбағалликни қисқартириш масалалари бўйича биринчи ўринбосари Айдос Зарикеев лавозимидан озод этилди, дея хабар берди «Дарё» мухбири.
«Дарё»га маълум бўлишича, Айдос Зарикеев Жўқорғи Кенгес раисининг шу йил 3 октябрь кунидаги фармойиши билан ишдан олинган. Бу ҳақда Халқ депутатлари Нукус тумани кенгашининг 56-сессиясида қарор ҳам қабул қилинган.
Ҳоким ўринбосарининг нима сабабдан ишдан олингани ҳақида ҳозирча расмий маълумот берилмади. «Дарё» манбасига кўра, у ҳоким ёрдамчилари фаолиятидаги хато-камчиликлар сабаб лавозимидан озод этилган бўлиши мумкин.
Эслатиб ўтамиз, Айдос Зарикеев ушбу лавозимда 2020 йилнинг июль ойидан бери фаолият юритиб келаётганди.
Изоҳ (0)