Qashqadaryo viloyatining Chiroqchi tumanidagi 67-maktab direktori unga qo‘yilgan ayblovlar sabab ishdan bo‘shash haqida ariza yozdi. Bu haqda “Daryo”ga tuman xalq ta’limi bo‘limi mudiri Farhod Jumanov xabar berdi.
Ma’lum bo‘lishicha, direktor uni spirtli ichimlik ichishda ayblaganlarga javoban ishdan ketish haqida ariza yozgan.
Holat haqida surishtirdik, voqeaning asl sabablarini o‘rgandik. Direktor o‘sha paytda shishada uksus bo‘lganini, maktabda spirtli ichimlik iste’mol qilmaganini aytdi, — deydi tuman XTB mudiri.XTB mudirining ma’lumot berishicha, o‘z arizasiga ko‘ra ishdan olingan direktor mazkur ta’lim dargohi reytingini oshirishda ko‘p mehnat qilgan.
Avvalroq tumandagi maktablarda sodir bo‘lgani aytilgan video tarqalgani, unda maktab direktori xodimlari bilan spirtli ichimlik iste’mol qilayotgani aytilgan video tarqalgandi. Mazkur voqea haqida ma’lumot bergan tuman XTB mudiri videotasvir direktorning ma’naviy ma’rifiy ishlar bo‘yicha o‘rinbosari tomonidan tasvirga olinganini, bunga ularning o‘rtasidagi adovat sabab bo‘lganini aytgandi.
Video direktorning ma’naviy-ma’rifiy ishlari bo‘yicha o‘rinbosari A.Norimovning shaxsiy telefoni orqali tasvirga olingan. Maktab direktori va o‘rinbosari o‘rtasidagi kelishmovchiliklar sabab o‘rinbosar shu videodan foydalanish maqsadida direktorga ko‘rsatib, rag‘bat puli yozishni talab qilgan.Natijada A.Norimovga rag‘batlantirish puli to‘lab berilgan. 2022-yil avgust oyida esa respublika audit nazorati tomonidan o‘rganilganda rag‘bat maktabning pedagoglar kengashi tomonidan ko‘rib chiqilmasdan to‘langan deb xulosa qilingan va qayta to‘lashga tushgan.
A.Norimov bunga javoban ushbu videolavhani oradan uch oy o‘tib, 2022-yil 5-oktabr kuni ijtimoiy tarmoqlarga joylagan, — degandi Farhod Jumanov.