Тошкент шаҳрининг айрим кўчаларида транспорт воситалари тезлигини 60—50 километр/соатга тушириш юзасидан қарор қабул қилинганди. Ушбу тартиб қачондан ишга тушиши ҳақида ЎзАга шаҳар ЙҲХБ ахборот хизмати маълумот берди.
Халқ депутатлари шаҳар кенгаши сессиясида Тошкент шаҳри Ички ишлар бош бошқармаси ЙҲХБнинг пойтахт кўчаларида тезликни камайтириш бўйича таклифи кўриб чиқилди. Мана шу таклифдан кейин депутатлар пойтахт кўчаларида ўрганиб, уни маъқуллади ва сессияга тақдим этилди.
Сессияда эса Тошкент шаҳридаги айрим кўчаларда транспорт воситалари тезлиги соатига 50 километр этиб белгиланиши ҳақида қарор қабул қилинди. Бундан ташқари, Кичик ҳалқа йўлида транспорт воситалари ҳаракатланиши тезлиги соатига 60 километр этиб белгиланмоқда. Бу фақат пойтахт кўчаларида жорий этилади. Бу ҳақда махсус комиссиянинг қарори қабул қилингач, тезликни камайтириш бўйича тартиб кучга киради.
Изоҳ (0)