Бугун,

  • USD 11095.31
  • RUB 173.84
  • EUR 10772.44

«Дарё» нашри 12 октябрда Ўзбекистон ва жаҳонда содир бўлган энг муҳим воқеаларни эътиборингизга ҳавола этади.

Шавкат Мирзиёев Қозоғистонга жўнаб кетди

Шавкат Мирзиёев Қозоғистон президенти Қосим-Жўмарт Тўқаевнинг таклифига биноан 12 октябрь куни Остона шаҳрига жўнаб кетди. Бу ҳақда президент матбуот хизмати хабар берди.

Президент у ерда Осиёда ҳамкорлик ва ишонч чоралари бўйича кенгаш ҳамда Мустақил Давлатлар Ҳамдўстлиги давлат раҳбарлари кенгашининг навбатдаги мажлисларида иштирок этади.

Хусусан, Ўзбекистон, Туркия, Озарбайжон, Россия, Ироқ, Эрон, Қатар, Фаластин каби мамлакатлар президентлари саммитда қатнашади. Марказий Осиё минтақасидан эса фақатгина Афғонистон иштирок этмаяпти.

«Ҳар куни бомба овози эшитилади». Россиядаги ўзбекистонлик талабалар элчихона ёрдамидан умидвор

«Дарё» интернет-нашрига Россиянинг Белгород вилояти ҳудудида жойлашган Белгород давлат техника университетининг ўзбекистонлик талабаларидан мурожаат келиб тушди. Улар шаҳардаги ижтимоий аҳвол, уруш фонида ўзгарган яшаш тарзи ҳамда ҳар куни эшитилиб турадиган бомба овозлари ҳақида сўзлаб берди.

Мурожаатчилар бир қанча видеоларни илова қилган. Уларда бомба портлаши ҳамда снаряд овозларини эшитиш мумкин.

Эслатиб ўтамиз, 11 октябрь куни Россиянинг Курск вилоятида ўқиётган ўзбекистонлик талабалар Украинага чегарадош ҳудудларда хавф тобора ортиб бораётгани сабаб президент Шавкат Мирзиёевга мурожаат билан чиқди. Улар шаҳардаги аҳвол нотинч эканини айтиб, давлат раҳбаридан уларнинг ўқишини Ўзбекистонга кўчириб беришни сўраган.

«Украинадаги урушда кескин бурилиш пайтига етиб келдик» — Байден маъмурияти вакили«Биз урушда потенциал кескин бурилиш нуқтасида турганимизни, албатта, тушунамиз, — деди Байден маъмуриятининг юқори мансабли вакили The Washington Пост нашрига. Нашр суҳбатдошининг сўзларига кўра, бу хавфли вазиятдир. «Урушда кескин бурилиш пайтлари одатда хавфли бўлади. Девор ортидан нима чиқишини олдиндан билиб бўлмайди», — деди у.

Украина билан зиддиятдаги кескин бурилиш нуқтаси ҳақида Россия расмий шахслари ҳам айтмоқда. «Бугунги кундан Россия махсус ҳарбий операциянинг янги босқичига киришди, — деди Федерация кенгашининг мудофаа ва хавфсизлик қўмитаси раҳбари Виктор Бондарёв 10 октябрь куни. — Энди янада қатъийроқ ҳаракат қиламиз».

Россия ФХХ Қрим кўпригидаги портлаш иши бўйича гумонланувчиларни қўлга олди

Россия Федерал хавфсизлик хизмати Қрим кўпригидаги портлаш юзасидан қўзғатилган жиноий иш доирасида беш нафар россиялик, уч нафар украиналик ва арманистонлик фуқаролар қўлга олинганини маълум қилди. Улар жиноятни тайёрлашда иштирок этганликда гумонланмоқда, деб ёзади Meduza. «ФХХ ва Россия Тергов қўмитаси Қрим кўпригидаги теракт ташкилотчиси Украина Мудофаа вазирлигининг Бош разведка бошқармаси, унинг бошлиғи Кирилл Буданов, ходимлари ва агентлари бўлганини аниқлади», — дейилади Россия разведка хизмати хабарида.Идоранинг қўшимча қилишича, терговчилар ҳодисага алоқадорликда гумонланган 12 кишини аниқлаган.

Қрим кўпригидаги портлашдан сўнг, Қрим раҳбари Сергей Аксёнов Керчда, шунингдек, ҳудуднинг Ленинский туманида террорчилик хавфининг «сариқ» даражасини жорий қилган. Бу ҳақда у Telegram каналида ёзди.

Россиянинг ракета зарбалари Украина энергетика объектларининг учдан бир қисмига зарар етказди

Украинада 10 октябрь куни бошланган Россиянинг кенг кўламли ракета ҳужуми оқибатида энергетика инфратузилмасининг 30 фоизга яқини зарар кўрди. Бу ҳақда CNN телеканалига Украина энергетика вазири Герман Галушенко маълум қилди. Унинг сўзларига кўра, Россия босқини бошланган февраль ойидан бери биринчи марта рус қўшинлари Украина энергетика объектларига мақсадли зарбалар берган.

Галушенконинг фикрича, инфратузилмага қилинган ҳужум сабабларидан бири Украинанинг Европага электр энергияси экспорти бўлган — у «Европа давлатларига Россия гази ва кўмирини тежашга ёрдам бераётган эди». Вазир Украина энергетика тизими ҳалиям барқарор эканини таъкидлади, бироқ ҳамкорларни Украинани инфратузилма объектларини ҳимоя қила оладиган ҳаво ҳужумидан мудофаа тизимлари билан таъминлашга чақирди.

Изоҳ
Асосий янгиликлар
Спорт
Неймар Бразилиянинг ЖЧ—2022 1/8 финалдаги ўйинини ҳам ўтказиб юбориши мумкин
Дунё
Эдвард Сноуден қасамёд қилиб, Россия паспортини қабул қилиб олди
Спорт
«Зенит» — «Спартак» ўйинидаги оммавий муштлашув иштирокчилари жазоланди