Керч бўғозини кесиб ўтган Қрим кўпригида юз берган портлашдан кейин автомобиль кўпригининг бир қисми вайрон бўлиб, бир нечта устунлар оралиғи сувга қулаган. Бу ҳақда маҳаллий «Керч.фм» нашри хабар бермоқда.
Миллий аксилтеррорчилик қўмитаси маълумотларига кўра, кўприкда юк автомобили портлатиб юборилган. Оқибатда поезднинг еттита ёнилғи цистернаси ёниб кетган.
Қрим парламенти раҳбари Владимир Константинов ҳодисада «украиналик вандаллар»ни айблади.
Россия президенти Владимир Путин Қрим кўпригидаги фавқулодда ҳолат юзасидан ҳукумат комиссиясини тузишни буюрди.
Шунингдек, ижтимоий тармоқларда Қрим кўприги портлаган лаҳза акс этган видеолар тарқалди.
Керч ярим оролини Таман ярим ороли билан бирлаштирувчи Қрим кўприги Россия ва Европадаги энг узун кўприк ҳисобланади — унинг узунлиги 19 километрга тенг. Кўприк қурилиши 2016 йил февралида бошланиб, 2019 йил декабрида тўлиқ якунланган. Лойиҳа қиймати 220 миллиард рублдан ошган.
Кўприкнинг автомобиллар учун мўлжалланган қисми 2018 йил майидаёқ очилганди. У орқали йўловчи поездлар қатнови эса 2019 йил 23 декабрдан бошланди. Мунтазам темир йўл юк қатнови 2020 йил июлида йўлга қўйилди.
Изоҳ (0)