Жигар овқат ҳазм қилиш тизимининг асосий органи бўлиб, организмни заҳарланишдан ҳимоя қилади. Жигар касалликларининг 100 га яқин турлари мавжуд. Ушбу касалликлар ҳар йили юз минглаб одамларнинг ҳаётига зомин бўлади. Ҳар йили 2 миллиондан ортиқ одам жигар саратони ва сирроздан вафот этади. Жигар касалликларининг маккорлиги шундаки, дастлабки босқичларда ҳеч қандай аломат кузатилмайди, деб ёзади Wday.
Аммо жигар муаммоларининг аниқ белгиси бор — оёқ ва танадан келадиган ёқимсиз ҳид. Жигар саломатлигини оёқ ва танадан келадиган ҳидга қараб аниқлаш мумкин. Айниқса, оёқ касалликлари, жумладан, ёмон ҳид кўпинча муаммо сифатида қайд этилади.
Инсон териси нафақат ҳимоя, балки чиқариш функциясини ҳам бажаради: метаболик маҳсулотлар ва токсинлар тер безлари орқали танадан чиқарилади. Жигарнинг шикастланиши билан токсинлар организмда тўплана бошлайди, қон оқими бузилади, бу эса буйраклар фаолиятига таъсир қилади. Буйраклар бузилган тақдирда, организм тер безлари туфайли зарарли моддаларнинг етарли даражада чиқарилишини қоплашни бошлайди. Кўпроқ токсинлар терига ўтади, терлаш жараёнида эса ўткир ва ёқимсиз ҳид кела бошлайди. Аввало, бу ҳид оёқларда пайдо бўлди.
Бундан ташқари, жигар касаллигининг белгилари оёқларда шишни ўз ичига олади. Иш кунидан кейин шиш пайдо бўлиши сирроз, гипертония ва албумин миқдорининг камайиши билан боғлиқ бўлиши мумкин.
Оёқларда бўртган томирларнинг пайдо бўлиши, майда жигарранг доғлар ёки терининг кучли қизариши (эритема) ҳам жигар билан боғлиқ муаммоларни кўрсатади. Эритема жигар патологияларининг, биринчи навбатда, аутоиммун ёки вирусли гепатит ва сирознинг натижаси бўлиши мумкин.
Ушбу белгилар ташхис қўйиш учун асос бўла олмайди, улар фақат патологияларнинг ривожланишини ва ўз соғлиғига эътибор беришга ёрдам берадиган аломатларни кўрсатади. Оёқлардан ёқимсиз ҳиддан ташқари бошқа аломатлар бўлса, шифокорга ташрифни кечиктирмаслик тавсия этилади.
Жигарни касалликлардан ҳимоя қилиш ва соғлиқни яхшилаш учун соғлом турмуш тарзига риоя қилиш ва касалликларнинг ривожланишини қўзғатмаслик керак.
- аввало яхши овқатланишни бошлаш:
- шакар ва тез углеводларга бой овқатларни кўп истеъмол қилмаслик;
- оқсил миқдорини кузатиб бориш;
- консерва ва транс ёғларини истеъмол қилишни чеклаш;
- антиоксидант ва ферментлар етишмаслигининг олдини олиш учун янги сабзавот ва мевалар миқдорини ошириш.
- спиртли ичимликлар ичмаслик ва ҳаддан ташқари кўп дори-дармонлар қабул қилмаслик лозим. Албатта буларнинг жигар учун ножўя таъсири мавжуд.
Изоҳ (0)