Эшитиш қобилиятини йўқотиш соғлиқ учун катта қўрқувлардан биридир. Аммо шу билан бирга, жуда кам одам карликнинг олдини олиш билан жиддий шуғулланади. Аксарият инсонларгина мунтазам равишда шифокорга ташриф буюради, эшитиш даражасини назорат қилади ва уни йўқотишнинг биринчи белгиларига эътибор беради. Кексайгунча эшитиш қобилиятини яхши сақлаб қолиш учун унга салбий таъсир ўтказадиган, ҳатто унинг бутунлай йўқолишига олиб келадиган бир нечта омиллардан қочиш тавсия этилади, деб ёзади «Новий очаг».
Қандли диабет, гипертония ва юқори холестерин
Ҳақиқатан ҳам соғлиғига ғамхўрлик қилувчилар учта муҳим омилни назорат қилиш муҳимдир: холестерин даражаси, қон босими ва қонда шакар даражаси. Гап шундаки, ушбу параметрларнинг бузилиши организмнинг деярли барча тизимларига, шу жумладан эшитиш қобилиятига салбий таъсир қилади. Қон айланиши қанчалик ёмон бўлса, қулоқлардаги майда тук ҳужайралари шунчалик сезгир бўлиб қолади ва эшитиш қобилияти ёмонлашади.
Фен ва бошқа соч қуритиш воситалари
Агар мунтазам равишда сочларни фен билан қурицангиз, эшитиш қобилияти хавф остида бўлиши мумкин. Кунига 10-15 дақиқа давомида фендан фойдаланиш охир-оқибат қайтариб бўлмайдиган оқибатларга олиб келиши мумкин. Афсуски, доимий шовқин эшитиш органларига зарар етказади.
Баланд мусиқа
Доимий равишда максимал овоз баландлигида мусиқа тинглаш одати организмга қимматга тушиши мумкин. Хавфсиз овоз даражаси қулоқчинлар қувватининг 60 фоизини ташкил қилади ва мутахассислар мусиқани ундан ҳам пастроқ тинглашни тавсия қилади.
Дори воситалари
Қабул қилинадиган баъзи таблеткалар қисман эшитиш қобилиятини йўқотишига олиб келиши мумкин: юрак касалликлари учун дорилар, кимётерапия ва антибиотиклар айниқса хавфлидир. Албатта, касалликларни назорат қилиш устувор аҳамиятга эга бўлиши керак, аммо дори воситаларининг мумкин бўлган ножўя таъсирини унутмаслик лозим. Шунинг учун ҳар қандай дори воситаларини қабул қилишда шифокор билан маслаҳатлашишни унутмаслик муҳим.
Оғриқ қолдирувчи воситалар
Аспирин, ибупрофен ва бошқа рецептсиз сотиладиган оғриқ қолдирувчи воситалар эшитиш қобилиятига жиддий зарар етказиши мумкин. Қулоқда шовқиннинг пайдо бўлиши — бу дориларнинг кенг тарқалган ножўя таъсири бўлиб, вақтинчалик давом этади. Аммо баъзи ҳолларда оғриқ қолдирувчи воситалардан мунтазам фойдаланиш эшитиш қобилиятини аста-секин йўқолишига олиб келиши мумкин.
Юқори тана ҳарорати
Юқори тана ҳароратида яллиғланиш ёки кислород етишмаслигидан ички қулоқнинг нерв учлари шикастланиши мумкин. Зарар ҳам вақтинчалик, ҳам доимий бўлиши мумкин.
Жамоат транспорти
Ишга метрода борасизми? Бу қулай, аммо хавфли бўлиши мумкин. Агар ҳар куни метро ёки поездда бир соат ёки ундан кўпроқ вақт сарфланса, афсуски, эшитиш қобилияти хавф остида қолади. Шунинг учун буни мунтазам текшириб туришни унутмаслик лозим, шунда у ёмонлаша бошласа, чора кўриш мумкин.
Маиший техника ва электр асбоблари
Блендер, қаҳва майдалагич, дрел ва бошқа техникалар фойдали бўлишига қарамай, қулоқлар учун хавфли бўлиши мумкин. Шифокорлар уларни имкон қадар камдан-кам ҳолларда ва қисқа муддатда — 10 сониядан кўп бўлмаган вақтда фойдаланишни тавсия этади.
Изоҳ (0)