Польша, Чехия, Эстония, Латвия, Литва, Шимолий Македония, Черногория, Руминия ва Словакия Украинанинг НАТОга қўшилишини қўллаб-қувватлаб чиқди. Ушбу мамлакатлар президентларининг қўшма баёноти Польша етакчиси Анжей Дуданинг сайтига жойланди.
«Биз 2008 йилда Бухарестда бўлиб ўтган НАТО саммитининг Украинанинг бўлғуси аъзоли бўйича қарорини қатъий қўллаб-қувватлаймиз», — дейилади унда.
Баёнотни Польша президентидан ташқари Чехия президенти Милош Земан, Эстония раҳбари Алар Карис, Латвия етакчиси Эгилс Левиц, Литва президенти Гитанас Науседа, Шимолий Македония раҳбари Стево Пендаровский, Черногория етакчиси Мило Жуканович, Руминия президенти Клаус Ёханнис ва Словакия раҳбари Зузана Чапутова имзолади.
Етакчилар, шунингдек, уларнинг мамлакатлари Украина суверенитети ва ҳудудий яхлитлигини қўллаб-қувватлаб, Россиянинг Украина ҳудудларини эгаллаб олишга уринишларини ҳеч қачон тан олмаслигини таъкидлади. Бундан ташқари, улар Россиядан истило қилинган ҳудудларнинг барчасини тарк этишни талаб қилди ва ҳамма иттифоқдошларни Украинага ҳарбий ёрдамни оширишга чақирди.
2008 йил апрелида Бухарестдаги учрашув якунида НАТО мамлакатлари Украина ва Грузиянинг НАТОга аъзоликка интилишларини маъқуллаган ва ушбу давлатлар блок сафига қўшилиши гақида келишувга эришган эди.
Мавзуга доир:
- «Украина НАТОга дарҳол аъзо бўлиш учун бугуноқ ариза топширади» — Зеленский НАТОга қўшилиш аризасини имзолади (видео)
- «НАТОга аъзолик тўғрисидаги қарор 30 давлат келишуви асосида қабул қилинади» — НАТО бош котиби Украинанинг альянсга қўшилиш борасидаги аризасига изоҳ берди
- «Зеленский НАТОга ариза топшириб, дунёга учинчи жаҳон урушини таклиф қилмоқда» — Дмитрий Медведев
- «Ҳозир Украинани НАТОга қабул қилишнинг вақти эмас» — Оқ уй жараённи бошқа вақтга қолдириш кераклигини таъкидлади
Изоҳ (0)